નીતિ આયોગની બેઠકમાં મમતા વીફર્યાં:અધવચ્ચેથી બહાર આવીને કહ્યું – હું બોલતી હતી ને માઇક બંધ કરી દીધું; I.N.D.I.A. બ્લોકના 7 મુખ્યમંત્રીએ પણ બહિષ્કાર કર્યો

પશ્ચિમ બંગાળનાં મુખ્યમંત્રી મમતા બેનર્જીએ નીતિ આયોગની બેઠક અધવચ્ચે છોડીને બહાર નીકળી ગયાં હતાં. બહાર આવીને તેમણે આરોપ લગાવ્યો કે તેમને બેઠકમાં બોલવા દેવામાં આવ્યાં નથી. તેમનું માઈક બંધ કરી દેવામાં આવ્યું હતું. મમતાએ કહ્યું- મેં પૂછ્યું કે મને બોલવાથી કેમ અટકાવવામાં આવી. તેઓ શા માટે ભેદભાવ કરી રહ્યા છે? વિપક્ષમાંથી હું એકલી જ છું. આ માત્ર બંગાળનું જ નહીં, પરંતુ તમામ પ્રાદેશિક પક્ષોનું પણ અપમાન છે. વડાપ્રધાન નરેન્દ્ર મોદીની અધ્યક્ષતા આજે નીતિ આયોગની 9મી ગવર્નિંગ કાઉન્સિલની બેઠકની મળી છે. આ બેઠકમાં ભારતને 2047 સુધીમાં વિકસિત રાષ્ટ્ર બનાવવા પર ધ્યાન કેન્દ્રિત કરવામાં આવશે. આ સિવાય વિવિધ રાજ્યોના મુખ્યમંત્રીઓએ તેમનાં રાજ્યો વિશે વાત કરી હતી. 7 રાજ્યના મુખ્યમંત્રીઓએ આ બેઠકમાં આવવાની ના પાડી દીધી છે, જેમાં તામિલનાડુ, તેલંગાણા, કર્ણાટક, હિમાચલ પ્રદેશ, પંજાબ, કેરળ અને ઝારખંડનો સમાવેશ થાય છે. જોકે આ બેઠકમાં પશ્ચિમ બંગાળનાં મુખ્યમંત્રી મમતા બેનર્જીએ હાજરી આપી હતી. તેમણે કહ્યું હતું કે તે 2024-25ના બજેટમાં રાજ્યો સામેના ભેદભાવનો મુદ્દો ઉઠાવ્યો હતો. મમતાએ કહ્યું- નીતિ આયોગને ખતમ કરો
મમતા બેનર્જીએ બેઠક પહેલાં કહ્યું હતું કે નીતિ આયોગને ખતમ કરવામાં આવે અને આયોજન પંચને પાછું લાવવું જોઈએ. આયોજન પંચનો વિચાર નેતાજી બોઝનો હતો. તેમણે વધુમાં કહ્યું હતું કે આ સરકાર આંતરકલહમાં પડી જશે, રાહ જુઓ. મારી પાસે હાલ વધુ સમય નથી, તેથી જ હું કોઈ નેતાને મળતી નથી. હું અરવિંદ કેજરીવાલની પત્નીને મળવા માગતી હતી, હું તેમની સાથે વાત કરીશ. 2047 સુધીમાં ભારતને વિકસિત દેશ બનાવવા પર ચર્ચા થશે
નીતિ આયોગની ગવર્નિંગ કાઉન્સિલની બેઠકમાં વિકસિત ભારત @ 2047 પર ચર્ચા કરવામાં આવશે. ભારતને વિકસિત બનાવવામાં રાજ્યોની ભૂમિકા અંગે પણ ચર્ચા કરવામાં આવશે. નીતિ આયોગ કહે છે કે દેશ 5 ટ્રિલિયન ડોલરની જીડીપી સાથે વિશ્વની ત્રીજી અર્થવ્યવસ્થા બનવાના માર્ગે છે. ભારત 2047 સુધીમાં 30 ટ્રિલિયન ડોલરની અર્થવ્યવસ્થાનું લક્ષ્ય હાંસલ કરશે. કેન્દ્રએ નીતિ આયોગની નવી ટીમ બનાવી
કેન્દ્ર સરકારે 16 જુલાઈના રોજ નીતિ આયોગની નવી ટીમની જાહેરાત કરી હતી. ચાર પૂર્ણ-સમયના સભ્યો ઉપરાંત ભાજપ અને એનડીએના સાથીપક્ષોના 15 કેન્દ્રીય પ્રધાનોને પદાધિકારી સભ્યો અથવા વિશેષ આમંત્રિત તરીકે સામેલ કરવામાં આવ્યા છે. રાષ્ટ્રપતિ ભવન દ્વારા આ સંબંધિત એક નોટિફિકેશન બહાર પાડવામાં આવ્યું છે. વડાપ્રધાન નરેન્દ્ર મોદી કમિશનના અધ્યક્ષ અને અર્થશાસ્ત્રી સુમન કે બેરી ઉપાધ્યક્ષ તરીકે યથાવત્ રહેશે. આ ઉપરાંત વૈજ્ઞાનિક વીકે સારસ્વત, કૃષિ અર્થશાસ્ત્રી રમેશ ચંદ, બાળરોગ નિષ્ણાત વીકે પોલ અને મેક્રો-ઈકોનોમિસ્ટ અરવિંદ વીરમાણી પૂર્ણ સમયના સભ્યો રહેશે. નીતિ આયોગમાં 15 કેન્દ્રીય મંત્રીનાં નામ સામેલ
કેન્દ્રીય રક્ષા મંત્રી રાજનાથ સિંહ, ગૃહમંત્રી અમિત શાહ, કૃષિમંત્રી શિવરાજ સિંહ ચૌહાણ અને નાણામંત્રી નિર્મલા સીતારમણ ચાર હોદ્દેદારો હશે. માર્ગ પરિવહનમંત્રી નીતિન ગડકરી, આરોગ્યમંત્રી જેપી નડ્ડા, ભારે ઉદ્યોગમંત્રી એચડી કુમારસ્વામી અને MSME પ્રધાન જીતન રામ માંઝીને નીતિ આયોગમાં વિશેષ આમંત્રિત કરવામાં આવ્યા છે. લલન સિંહ-ચિરાગ પાસવાનને પણ સ્થાન મળ્યું
આ ઉપરાંત ખાસ આમંત્રિતોમાં પંચાયતી રાજયમંત્રી લલ્લન સિંહ, સામાજિક ન્યાયમંત્રી વીરેન્દ્ર કુમાર, નાગરિક ઉડ્ડયનમંત્રી કે. રામમોહન નાયડુ, આદિજાતિ બાબતોના મંત્રી જુએલ ઓરામ, મહિલા અને બાળકલ્યાણમંત્રી અન્નપૂર્ણા દેવી, ખાદ્યપ્રક્રિયામંત્રી ચિરાગ પાસવાન અને રાજ્યમંત્રીનો સમાવેશ થાય છે. સ્વતંત્ર પ્રભારી સાથે રાવ ઈન્દ્રજિત સિંહનો સમાવેશ થાય છે. ગયા વર્ષે આયોગમાં સામેલ કરાયેલા કેન્દ્રીય મંત્રી પીયૂષ ગોયલ અને અનુરાગ ઠાકુરને આ વર્ષે આયોગના સભ્ય બનાવવામાં આવ્યા નથી. નીતિ આયોગ શું છે?
નેશનલ ઇન્સ્ટિટ્યૂશન ફોર ટ્રાન્સફોર્મિંગ ઇન્ડિયાને નીતિ આયોગ તરીકે ઓળખવામાં આવે છે. એ ભારત સરકારની એક પોલિસી થિંક ટેન્ક છે, જે સરકારનાં કાર્યો અને નીતિઓ વિશે માહિતી પ્રદાન કરે છે. આયોજન પંચ દેશના વિકાસને લગતી યોજનાઓ બનાવતું હતું. નીતિ આયોગ સરકારની લાંબા ગાળાની નીતિઓ અને કાર્યક્રમો માટે વ્યૂહરચના ઘડવામાં મહત્ત્વની ભૂમિકા ભજવે છે. વડાપ્રધાન પંચના અધ્યક્ષ છે. ચેરમેન ઉપરાંત વાઈસ-ચેરમેન અને એક કારોબારી અધિકારી છે. તેમની નિમણૂક વડાપ્રધાન દ્વારા કરવામાં આવે છે. વડાપ્રધાન મોદીએ 8 ફેબ્રુઆરી 2015ના રોજ નીતિ આયોગની પ્રથમ બેઠકની અધ્યક્ષતા કરી હતી. આ સમાચાર પણ વાંચો... 9 વર્ષમાં 24.8 કરોડ લોકો ગરીબીમાંથી બહાર આવ્યા: નીતિ આયોગ રિપોર્ટ; યુપીમાં સૌથી વધુ 5.94 કરોડ લોકોને ફાયદો થયો ભારતમાં છેલ્લાં 9 વર્ષમાં 24.8 કરોડ લોકો ગરીબીમાંથી બહાર આવ્યા છે. તેમાંથી સૌથી વધુ 5.94 કરોડ ઉત્તરપ્રદેશના છે. એ પછી બિહારમાં 3.77 કરોડ, મધ્યપ્રદેશમાં 2.30 કરોડ અને રાજસ્થાનમાં 1.87 કરોડ લોકોનો ગરીબી સ્તર સુધર્યો છે. નીતિ આયોગના અહેવાલ મુજબ ભારતમાં ગરીબી દર 2013-14માં 29.17 ટકાથી ઘટીને 2022-23માં 11.28 ટકા થઈ ગયો છે. AI એ આપણા જીવનકાળની સૌથી મોટી શોધ છે: નીતિ આયોગના ભૂતપૂર્વ CEOએ કહ્યું – ન્યૂઝ કન્સમ્પ્શનને સંપૂર્ણપણે ડિજિટલ બનાવવામાં AI મોટી ભૂમિકા ભજવશે AIના ફાયદાઓને ઓળખીને સરકાર તેના પડકારોને પણ સક્રિયપણે સંબોધી રહી છે. હું માનતો નથી કે આપણે ટેક્નોલોજીથી ડરવું જોઈએ. AI એ આપણા જીવનકાળની સૌથી મોટી શોધ છે. આઈટી રાજ્યમંત્રી રાજીવ ચંદ્રશેખરે ડીએનપીએ કોન્ક્લેવ અને એવોર્ડ્સ 2024માં આ વાત કહી હતી.

આ પ્રકારના તમામ સમાચાર માટેે App ડાઉનલોડ કરો.