પાટડી રેલવે ફાટક પાસેથી વિદેશી દારૂના જથ્થા સાથે એક કાર સહિત બે ઈસમો ઝડપાયા.

વિદેશી દારૂની બોટલો નંગ 252 કિં.રૂ. 51,840, મોબાઈલ નંગ 3 કિં.રૂ. 10,500 અને ઇનોવા ગાડી કિં.રૂ. 2,50,000 મળી કુલ રૂ. 3,12,340 નો મુદામાલ કબ્જે કર્યો.

સુરેન્દ્રનગર જિલ્લામાં પાટડી તાલુકાના ઝીંઝુવાડાથી બજાણા વિદેશી દારૂના જથ્થા સાથે આવતી હોવાની મળેલી પાક્કી બાતમીના આધારે પાટડી પીએસઆઇ એમ બી વીરજા, સાગરભાઈ વશરામભાઇ, નરેન્દ્રસિંહ જાલુભા, ગણપતભાઈ, ભરતભાઈ અને તુલસીભાઈ સહિતના પોલીસ સ્ટાફે પાટડી રેલ્વે ફાટક પાસે છટકું ગોઠવી શંકાસ્પદ હાલતમાં નીકળેલી સિલ્વર કલરની ઇનોવા કારને આંતરીને ઝીંઝુવાડાના ધર્મેન્દ્રસિંહ રણુભા ઝાલા ઝીંઝુવાડા અને કેશુભા રણુભા ઝાલા રાંતેજ, બેચરાજીને ઝબ્બે કરી ઇનોવા ગાડીની સઘન તલાશી લેતા ગાડીમાંથી જુદી જુદી બ્રાન્ડની વિદેશી દારૂની બોટલો નંગ 252 બોટલો કિં.રૂ. 51,840, મોબાઈલ નંગ 3 કિં.રૂ. 10,500 અને ઇનોવા ગાડી કિં.રૂ. 2,50,000 મળી કુલ રૂ. 3,12,340 નો મુદામાલ ઝબ્બે કરી મહેશભાઈ લાધુભાઈ ડોળીયાની પોલીસ ફરિયાદના આધારે પાટડી પોલીસે ઝીંઝુવાડાના ધર્મેન્દ્રસિંહ રણુભા ઝાલા ઝીંઝુવાડા અને કેશુભા રણુભા ઝાલા રાંતેજ, બેચરાજી અને દારૂની ગાડી ભરી આપનારા જનકસિંહ કીર્તિસિંહ ઝાલા ઝીંઝુવાડા વિરુદ્ધ વિદેશી દારૂ અંગેનો ગુન્હો દાખલ કરી તપાસનો ધમધમાટ શરૂ કર્યો છે આ કેસની વધુ તપાસ પાટડી પીએસઆઇ એમ.બી.વીરજા ચલાવી રહ્યાં છે.

આ પ્રકારના તમામ સમાચાર માટેે App ડાઉનલોડ કરો.