જિલ્લા કલેક્ટર શ્રી દિગ્વિજયસિંહ જાડેજાના અધ્યક્ષસ્થાને જિલ્લા કક્ષાનો ફરિયાદ નિવારણ કાર્યક્રમ યોજાયો ———–
જિલ્લા કલેક્ટર શ્રી દિગ્વિજયસિંહ જાડેજાના અધ્યક્ષસ્થાને જિલ્લા કક્ષાનો ફરિયાદ નિવારણ કાર્યક્રમ યોજાયો
-----------
ગીર સોમનાથ, તા.૨૫ : લોકોના પ્રશ્નો-ફરિયાદો કે રજૂઆતનો અસરકારક અને ન્યાયિક રીતે સ્થાનિક કક્ષાએ ઉકેલ મળી શકે તે હેતુસર જિલ્લા કલેક્ટર શ્રી દિગ્વિજયસિંહ જાડેજાના અધ્યક્ષસ્થાને કલેક્ટર કચેરી, ઈણાજ ખાતે જિલ્લા કક્ષાનો “સ્વાગત”‘ (ફરિયાદ નિવારણ) કાર્યક્રમ’ યોજાયો હતો.
કલેક્ટરશ્રીએ અરજદારોના પ્રશ્નો બાબતે સંબંધિત વિભાગના અધિકારીઓ સાથે ચર્ચા કરી હતી અને સમય મર્યાદામાં નિયમ મુજબ પ્રશ્નોનો ઉકેલ લાવવા અધિકારીઓને સૂચના આપી હતી.
આ જિલ્લા કક્ષાનો “સ્વાગત”‘ (ફરિયાદ નિવારણ) કાર્યક્રમમાં ગૌચર, ગામતળ દબાણ, રોડ, બાંધકામ, પોટેક્શન દિવાલ, શરત ભંગ સહિતના પ્રશ્નો અરજદારોએ રજૂ કર્યા હતાં.
આ સ્વાગત કાર્યક્રમમાં જિલ્લા નિવાસી અધિક કલેકટર શ્રી રાજેશ આલ, નાયબ જિલ્લા વિકાસ અધિકારી શ્રી નાગાજણ તરખાલા, આર એન્ડ બી પંચાયતના કાર્યપાલક ઇજનેર શ્રી એ. એન. ભદોરીયા સહિતનાં સંબંધિત વિભાગના અધિકારીશ્રીઓ ઉપસ્થિત રહ્યાં હતાં.
આ પ્રકારના તમામ સમાચાર માટેે
App ડાઉનલોડ કરો.