ચોમાસુ સત્ર- હોબાળા વચ્ચે બજેટ પર ચર્ચા શરૂ:રિજિજુએ કહ્યું- વિપક્ષ જનાદેશનું અપમાન કરી રહ્યો છે, માત્ર બજેટ પર જ ચર્ચા થવી જોઈએ

સંસદના ચોમાસુ સત્રનો ગુરુવારે (24 જુલાઈ) ચોથો દિવસ છે. બંને ગૃહોમાં બજેટ પર ચર્ચા શરૂ થઈ છે. કિરણ રિજિજુએ લોકસભામાં કહ્યું- સંસદીય કાર્ય મંત્રી હોવાના નાતે હું ફરીથી અપીલ કરું છું કે બજેટ સત્રમાં માત્ર બજેટ પર જ ચર્ચા થવી જોઈએ.જનતાએ વડાપ્રધાન નરેન્દ્ર મોદીને જનાદેશ આપ્યો છે, તમે તેનું અપમાન કરવાનો પ્રયાસ કરી રહ્યા છો. આ બિલકુલ યોગ્ય નથી. રિજિજુએ આટલું બોલતાની સાથે જ વિપક્ષના સાંસદોએ હંગામો મચાવ્યો હતો. સ્પીકર ઓમ બિરલાએ તમામ સાંસદોને શિષ્ટાચાર જાળવવાની અપીલ કરી હતી. ગઈકાલે ત્રીજા દિવસે પણ બજેટ પર ચર્ચા થઈ હતી. ગૃહની શરૂઆત પહેલા વિપક્ષી નેતાઓએ કેન્દ્ર સરકારના બજેટ વિરુદ્ધ સંસદની બહાર પ્રદર્શન કર્યું હતું. લોકસભા અને રાજ્યસભાની કાર્યવાહી શરૂ થયા બાદ બજેટ મામલે ગૃહમાં પણ હોબાળો થયો હતો. રાજ્યસભામાં પ્રશ્નકાળ દરમિયાન ચર્ચા દરમિયાન વિપક્ષના નેતાઓએ વોકઆઉટ કર્યું હતું. તેઓ નાણાપ્રધાન નિર્મલા સીતારમણ વિરુદ્ધ શેમ-શેમના નારા લગાવતા ગૃહમાંથી બહાર નીકળી ગયા હતા.

આ પ્રકારના તમામ સમાચાર માટેે App ડાઉનલોડ કરો.