PM મોદીના ગીતને મીત બ્રધર્સે કર્યું કમ્પોઝ:આ ગીત વર્ષ 2023માં આવ્યું હતું, મનમીત સિંહે કહ્યું- ‘તેમના માટે હજુ કામ કરીએ છીએ’
ગયા વર્ષે મીત બ્રધર્સ ફેમ મનમીત અને હરમીત સિંહે વડાપ્રધાન નરેન્દ્ર મોદી દ્વારા લખાયેલ ગીત 'માડી' કમ્પોઝ કર્યું હતું. મનમીત સિંહના કહેવા પ્રમાણે, આ જોડી હજુ પણ તેમના માટે ઘણું કામ કરી રહી છે. હાલમાં જ દિવ્ય ભાસ્કર સાથેની વાતચીત દરમિયાન મનમીત સિંહે કહ્યું હતું કે, 'મોદીજી ખૂબ ઊંડાણપૂર્વક વિચારે છે. તેમણે પહેલીવાર ગરબા લખ્યા. બોલીવુડ અને ગુજરાતી ઈન્ડસ્ટ્રીમાં આપણા દેશમાં 100 થી વધુ પ્રતિભાશાળી સંગીતકાર છે. આમ છતાં તેમણે અમારા જેવા પંજાબી છોકરાઓને ગીતો કંપોઝ કરવાની જવાબદારી આપી. આ બતાવે છે કે તે કેવા સ્વપ્નદ્રષ્ટા વ્યક્તિ છે. મનમીતે આગળ કહ્યું, 'ગરબાની ધૂન સાંભળ્યા પછી, મોટી હસ્તીઓએ અમારા કામની પ્રશંસા કરી. અમારી મીટિંગ દરમિયાન મોદીજીએ અમારા કામની પ્રશંસા કરી હતી. બાય ધ વે, મારી પત્ની ગુજરાતી છે. તેના નામની પાછળ મોદી લખવામાં આવે છે (કરિશ્મા મોદી). મેં પણ મજાકમાં કહ્યું કે સાહેબ, હું તમારો જમાઈ છું. આ સાંભળીને મોદીજી પણ ખૂબ હસ્યા. અમે હજુ પણ તેમના માટે ઘણું કામ કરી રહ્યા છીએ. સારા લોકો સાથે કામ કરવું સારું લાગે છે. તાજેતરમાં મીત બ્રધર્સે રોમેન્ટિક આલ્બમ - 'બેહિસાબા' કમ્પોઝ કર્યું છે. અભિનેતા-ગાયક સુધાંશુ પાંડેએ આ આલ્બમને પોતાનો અવાજ આપ્યો છે. મીત બ્રધર્સ 'બેબી ડોલ મેં સોને દી', 'ચિઠ્ઠીયા કલાઈયાં વે' જેવા ઘણા હિટ ગીતો માટે પ્રખ્યાત છે.
આ પ્રકારના તમામ સમાચાર માટેે
App ડાઉનલોડ કરો.