જાયન્ટસ ગ્રુપ ઓફ બોટાદ દ્વારા કષ્ટભંજન હનુમાનજી મંદિર સાળંગપુર ખાતે બ્લડ ડોનેશન કેમ્પ : 115 બોટલ રક્ત એકત્ર થયું

બાંભણિયા બ્લડ બેન્ક ભાવનગર દ્વારા રક્તદાતાઓને ભેટ આપી સન્માનિત કરવામાં આવ્યા.શનિવાર તેમજ રવિવાર એમ બે દિવસ માટે ગુરુપૂર્ણિમાના તહેવાર નિમિત્તે શ્રી કષ્ટભંજન હનુમાનજી મંદિર સાળંગપુર ધામ ખાતે બ્લડ ડોનેશન કેમ્પનું આયોજન જાયન્ટ્સ ગ્રુપ બોટાદ દ્વારા કરવામાં આવેલ, કેમ્પમાં બાંભણિયા બ્લડ બેન્ક ભાવનગરના સ્ટાફએ ઉપસ્થિત રહી બ્લડ એકત્ર કરેલ. શ્રી કષ્ટભંજન હનુમાનજી મંદિરના સંતોના આશીર્વાદ સાથે દર્શનાર્થે આવતા અનેક ભક્તોએ બ્લડ ડોનેશન કરેલ. બે દિવસ દરમિયાન 115 બોટલ રક્ત એકત્ર કરવામાં આવેલ. તમામ રક્તદાતાશ્રીઓને બાંભણિયા બ્લડ બેન્ક ભાવનગર દ્વારા સાળંગપુર હનુમાનજી મહારાજનાં આશીર્વાદરૂપે સ્મૃતિ ભેટ આપી સન્માનવામાં આવ્યા. સમગ્ર કાર્યક્રમમાં જાયન્ટ્સ ગ્રુપ બોટાદના પ્રમુખ ચંદુભાઈ સાવલિયા તેમજ ફેડરેશન પ્રમુખ કેતનભાઇ રોજેસરા, કમલેશભાઈ પટેલ તેમજ અન્ય જાયન્ટ્સ સભ્યોએ હાજરી આપેલ.

આ પ્રકારના તમામ સમાચાર માટેે App ડાઉનલોડ કરો.