પૂજા ખેડકર વિવાદ વચ્ચે UPSC અધ્યક્ષનું રાજીનામું:ગયા વર્ષે જ અધ્યક્ષ બન્યા, 5 વર્ષનો કાર્યકાળ પણ બાકી હતો;  મોદીના નજીકના ગણાતા મનોજ સોની MSUના સૌથી નાની ઉંમરના કુલપતિ રહ્યા

યુનિયન પબ્લિક સર્વિસ કમિશન (UPSC)ના પહેલા ગુજરાતી અધ્યક્ષ મનોજ સોનીએ તેમના કાર્યકાળના પાંચ વર્ષ પહેલાં જ રાજીનામું આપી દીધું છે. તેમનો કાર્યકાળ 2029માં પૂરો થવાનો હતો. તેમણે વ્યક્તિગત કારણોસર રાજીનામું આપ્યું છે. મનોજ સોની 2017થી UPSC સભ્ય તરીકે સેવા આપ્યા પછી, 16 મે, 2023ના રોજ UPSC અધ્યક્ષ તરીકે કાર્યભાર સંભાળ્યો, જેમનો કાર્યકાળ છ વર્ષનો છે. તેમણે લગભગ એક મહિના પહેલા રાષ્ટ્રપતિને પોતાનું રાજીનામું સોંપ્યું હોવાના અહેવાલ છે. જો કે, તે સ્વીકારવામાં આવશે કે નહીં તે સ્પષ્ટ નથી. પૂજા ખેડકર વિવાદ બાદ UPSC ચર્ચામાં
UPSC પ્રોબેશનર IAS અધિકારી પૂજા ખેડકર સામેના આરોપો પછી ચર્ચામાં છે, જેણે સિવિલ સર્વિસમાં પ્રવેશ મેળવવા માટે કથિત રીતે તેના દસ્તાવેજો બનાવટી બનાવ્યા હતા. જો કે મનોજ સોનીના રાજીનામાને લઈને એવું કહેવામાં આવી રહ્યું છે કે આ બાબત સાથે કોઈ સંબંધ નથી. ગુજરાતની 2 યુનિવર્સિટીમાં 15 વર્ષ સુધી VC તરીકે કામ કર્યું
2017માં UPSC અધ્યક્ષ તરીકે તેમની નિમણૂક પહેલાં, સોનીએ ગુજરાતની બે યુનિવર્સિટીઓમાં વાઇસ ચાન્સેલર તરીકે ત્રણ વર્ષનો કાર્યકાળ પૂર્ણ કર્યો હતો. સોનીને વડાપ્રધાન નરેન્દ્ર મોદીના નજીકના માનવામાં આવે છે. 2005માં, 40 વર્ષની વયે તેઓ વડોદરા યુનિવર્સિટીના વાઇસ ચાન્સેલર તરીકે નિયુક્ત થયા. આ સાથે સોની દેશના સૌથી યુવા વાઇસ ચાન્સેલર બન્યા છે. આ પછી, 2015 સુધી, તેમણે ગુજરાત સરકારી યુનિવર્સિટી બાબાસાહેબ આંબેડકર ઓપન યુનિવર્સિટી (BBOU)માં વાઈસ ચાન્સેલર તરીકે 5 વર્ષની બે ટર્મ પૂર્ણ કરી છે. 2015 પછી, સોની, ગુજરાતના આણંદમાં સ્વામિનારાયણ સંપ્રદાયના અનુપમ મિશનમાં જોડાયા. 10 જાન્યુઆરી, 2020ના રોજ, તેમણે નિષ્કામ કર્મયોગીની દીક્ષા લીધી. મનોજ સોનીના કાર્યકાળ દરમિયાન IAS સિલેક્શન સંબંધિત વિવાદ
મનોજ સોનીના કાર્યકાળ દરમિયાન IAS ટ્રેઇની પૂજા ખેડકર અને IAS અભિષેક સિંહ વિવાદોમાં રહ્યા હતા. આ બંને પર પસંદગી મેળવવા માટે OBC અને PwD કેટેગરીઓનો લાભ લેવાનો આરોપ હતો. પૂજા ખેડકરે લો વિઝનનો હવાલો આપતા પીડબ્લ્યુડી કેટેગરીમાં સિલેક્શન મેળવ્યું. અભિષેક સિંહે યુનિયન પબ્લિક સર્વિસ કમિશન (UPSC)ની પરીક્ષા વિકલાંગ વર્ગમાંથી પાસ કરી હતી. તેણે પોતાને લોકોમોટિવ ડિસઓર્ડર એટલે કે ચાલવામાં અસમર્થતા હોવાનું જણાવ્યું હતું. અભિષેકે તેની એક્ટિંગ કારકિર્દી માટે IASમાંથી રાજીનામું આપ્યું હતું. UPSCનું શું કામ છે?
UPSCએ ભારતના બંધારણમાં કલમ 315-323 ભાગ XIV પ્રકરણ II હેઠળ બંધારણીય સંસ્થા છે. આ કમિશન કેન્દ્ર સરકાર વતી ઘણી પરીક્ષાઓનું આયોજન કરે છે. તે IAS, ભારતીય વિદેશ સેવા (IFS), ભારતીય પોલીસ સેવા (IPS) અને કેન્દ્રીય સેવાઓ- ગ્રુપ A અને ગ્રુપ Bમાં નિમણૂક માટે દર વર્ષે સિવિલ સર્વિસીસ પરીક્ષાઓનું આયોજન કરે છે. ચેરપર્સન કમિશનના અધ્યક્ષ હોય છે. આ સિવાય ગવર્નિંગ બોડીમાં વધુમાં વધુ 10 સભ્યો હોઈ શકે છે. શુક્રવાર સુધી બોડીમાં ચેરમેન સિવાય સાત સભ્યો હતા. જેમાં ગુજરાત પબ્લિક સર્વિસ કમિશનના પૂર્વ ચેરમેન દિનેશ દાસાનો પણ સમાવેશ થાય છે.

આ પ્રકારના તમામ સમાચાર માટેે App ડાઉનલોડ કરો.