‘2041 સુધીમાં આસામ મુસ્લિમ રાજ્ય બની જશે’:CM હિમંત બિસ્વાએ કહ્યું- કોઈ નહીં રોકી શકે; જો રાહુલ ગાંધી એમ્બેસેડર બનશે તો આપણે વસ્તીને નિયંત્રિત કરી શકીશું

આસામના મુખ્યમંત્રી હિમંતા બિસ્વા સરમાએ શુક્રવારે (19 જુલાઈ) જણાવ્યું હતું કે, રાજ્યમાં મુસ્લિમ વસ્તી દર 10 વર્ષે 30% વધી રહી છે. આવી સ્થિતિમાં આસામ વર્ષ 2041 સુધીમાં મુસ્લિમ બહુમતી ધરાવતું રાજ્ય બની જશે. આ વાસ્તવિકતા છે અને તેને કોઈ રોકી શકે તેમ નથી. તેમણે કહ્યું કે, જો રાહુલ ગાંધી વસ્તી નિયંત્રણના બ્રાન્ડ એમ્બેસેડર બને તો તેના પર અંકુશ આવી શકે છે, કારણ કે મુસ્લિમ સમુદાય માત્ર તેમની વાત સાંભળે છે. આસામના CMએ એક પ્રેસ કોન્ફરન્સમાં કહ્યું કે, વસ્તી વિષયક આંકડા અનુસાર, આસામની મુસ્લિમ વસ્તી વધીને 40 ટકા થઈ ગઈ છે. જ્યારે હિંદુ સમુદાયની વસ્તી દર 10 વર્ષે માત્ર 16 ટકા વધી રહી છે. મુસ્લિમ લગ્ન માટે નવો કાયદો લાવવામાં આવશે
અગાઉ CM શર્માએ ગુરુવારે (18 જુલાઈ) કહ્યું હતું કે, કેબિનેટે મુસ્લિમ મેરેજ એક્ટ 1935ને રદ કરીને નવા કાયદા બનાવવાની મંજૂરી આપી છે. તેમણે કહ્યું કે, નવો કાયદો લગ્ન અને છૂટાછેડાના નિયમોમાં એકરૂપતા લાવશે. ઉપરાંત બાળ લગ્ન જેવી કુપ્રથાઓ પણ બંધ થશે. નવા કાયદા માટેના બિલ પર સંસદના ચોમાસુ સત્રમાં ચર્ચા થશે. આ બિલ પર વિધાનસભાના ચોમાસુ સત્રમાં ચર્ચા થશે
ગુરુવારે કેબિનેટની બેઠક બાદ CM શર્માએ સોશિયલ મીડિયા પોસ્ટમાં આ માહિતી આપી હતી. તેમણે કહ્યું કે, અમે બાળ લગ્ન સામે વધારાના સુરક્ષા પગલાં લેવાના છીએ. જે દીકરીઓ અને બહેનોને ન્યાય અપાવવા માટે એક મહત્વપૂર્ણ પગલું બની રહેશે. હાલનો કાયદો છોકરીઓને 18 વર્ષની ઉંમર પહેલા અને છોકરાઓને 21 વર્ષની ઉંમર પહેલા લગ્ન કરવાની છૂટ આપે છે. કેબિનેટને આસામમાં મુસ્લિમ લગ્નની નોંધણી માટે કાયદો લાવવાનો નિર્દેશ આપવામાં આવ્યો છે. જે અંગે વિધાનસભાના આગામી સત્રમાં વિચારણા કરવામાં આવશે. વિપક્ષોએ આ નિર્ણયને મુસ્લિમો પ્રત્યે ભેદભાવપૂર્ણ ગણાવ્યો હતો
આ વર્ષની શરૂઆતમાં આસામ સરકારની કેબિનેટે આસામ મુસ્લિમ લગ્ન અને છૂટાછેડા નોંધણી અધિનિયમ અને 1935ના નિયમોને રદ કરવા સંમતિ આપી હતી. આ આસામ રિપીલિંગ બિલ 2024 દ્વારા દૂર કરવામાં આવશે. ફેબ્રુઆરીમાં, વિરોધ પક્ષોએ આ નિર્ણય પર પ્રતિક્રિયા આપતા કહ્યું કે, કાયદો ચૂંટણી વર્ષમાં મતદારોના ધ્રુવીકરણ માટે લાવવામાં આવ્યો હતો. કોંગ્રેસના ધારાસભ્ય અબ્દુલ રશીદ મંડલે કહ્યું હતું કે, સરકાર ચૂંટણી સમયે મતદારોનું ધ્રુવીકરણ કરવાનો પ્રયાસ કરી રહી છે. આ મુસ્લિમો વિરુદ્ધ ભેદભાવપૂર્ણ નિર્ણય છે. મુસ્લિમ મેરેજ એક્ટ રદ થવાથી શું ફેરફારો થશે?
મુસ્લિમ મેરેજ એક્ટ 1935 ના રદ થયા પછી, મુસ્લિમ લગ્ન અથવા છૂટાછેડાની નોંધણી સ્પેશિયલ મેરેજ એક્ટ 1954 દ્વારા થઈ શકે છે. આ ઉપરાંત 1935થી લગ્નની ઉંમરમાં મળતી છૂટ પણ નાબૂદ કરવામાં આવશે. મુસ્લિમ લગ્ન અને છૂટાછેડાની નોંધણી જિલ્લા કમિશનર અને જિલ્લા રજીસ્ટ્રાર દ્વારા કરવામાં આવશે. અગાઉ છૂટાછેડા નોંધણી અધિનિયમ હેઠળ કામ કરતા કાઝીઓને દૂર કરવામાં આવશે અને તેના બદલામાં દરેકને 2 લાખ રૂપિયાનું વળતર આપવામાં આવશે. આસામ સરકાર યુનિફોર્મ સિવિલ કોડ તરફ​​​​​​​ વધી રહી છે આગળ
ફેબ્રુઆરી 2023 માં, જ્યારે આસામ સરકારે કહ્યું હતું કે, મુસ્લિમ મેરેજ એક્ટને રદ કરવામાં આવશે. ત્યારે રાજ્યમંત્રી મલ્લબારુઆએ કહ્યું કે મુખ્યમંત્રી, અમે યુનિફોર્મ સિવિલ કોડ તરફ આગળ વધી રહ્યા છીએ. આ અંગે મહત્વનો નિર્ણય લેવામાં આવ્યો છે.

આ પ્રકારના તમામ સમાચાર માટેે App ડાઉનલોડ કરો.