સોલિસિટર જનરલે કહ્યું- NEET કેસની સુનાવણી કાલે થવી જોઈએ:CJIનો જવાબ- લાખો વિદ્યાર્થીઓ નિર્ણયની રાહ જોઈ રહ્યા છે, આજે જ સુનાવણી થશે

NEET માં અનિયમિતતાઓને લગતી 38 અરજીઓ પર CJI બેન્ચ સમક્ષ ત્રીજી સુનાવણી શરૂ થઈ ગઈ છે. CJI ચંદ્રચુડ, જસ્ટિસ જેબી પારદીવાલા અને જસ્ટિસ મનોજ મિશ્રાની ડિવિઝન બેંચ આ કેસની સુનાવણી કરી રહી છે. સોલિસિટર જનરલ તુષાર મહેતાએ આ કેસમાં આવતીકાલે સુનાવણીની માગ કરી હતી. તેના પર CJIએ કહ્યું- NEET પર ચર્ચા જરૂરી છે. આ મુદ્દો આજે સૂચિબદ્ધ કરવામાં આવ્યો છે. આ અંગે આજે સુનાવણી થશે. બંચ દ્વારા આ કેસની પહેલી સુનાવણી 8મી જુલાઈએ કરવામાં આવી હતી. આ પછી કોર્ટે NEET સાથે સંબંધિત ચારેય હિતધારકો - NTA, કેન્દ્ર સરકાર, CBI અને ફરીથી પરીક્ષાની માગણી કરનારા અરજદારોને એફિડેવિટ દાખલ કરવા માટે 10 જુલાઈ સુધીનો સમય આપ્યો છે. NEET પર બીજી સુનાવણી 11 જુલાઈના રોજ થઈ હતી. આ પછી કોર્ટે કેસની સુનાવણી 18 જુલાઈ સુધી સ્થગિત કરી દીધી હતી. CJI બેન્ચે કહ્યું હતું કે NTA અને કેન્દ્ર સરકારની એફિડેવિટ તમામ લોકો સુધી પહોંચી નથી. જેના કારણે સુનાવણીની તારીખ લંબાવવામાં આવી હતી. NTAએ 17 જુલાઈના રોજ કોર્ટમાં તેની લેખિત રજૂઆતમાં કહ્યું હતું કે, અરજદારોની દલીલ કે પરીક્ષામાં વ્યવસ્થિત અનિયમિતતાઓ હતી તે બિલકુલ ખોટી છે.

આ પ્રકારના તમામ સમાચાર માટેે App ડાઉનલોડ કરો.