સાકરોડિયાની આંગણવાડીમાં ચોરી થતાં ફરિયાદ કરવામા આવી

હિંમતનગર તાલુકાના ગાંભોઈ પોલીસ સ્ટેશનની હદમાં આવેલ સાકરોડીયા ગામની આંગણવાડીમાંથી અઠવાડિયા અગાઉ અજાણ્યા શખ્સો અંદાજે રૂ.૧૫૦૦ની મત્તાની ચોરી કરી લઈ ગયાની ફરિયાદ મંગળવારે ગાંભોઈ પોલીસ સ્ટેશનમાં નોંધાવા પામી હતી. આ અંગે નિરૂબેન વિનુભાઈ વણકરે નોંધાવેલી ફરિયાદમાં જણાવ્યા મુજબ, ગત તા.૧૧ જુલાઈની રાત્રે અજાણ્યા શખ્સોએ સાકરોડીયા ગામની આંગણવાડી કેન્દ્ર-૧ના રૂમનો નકુચો તોડી અંદર પ્રવેશ કરી રસોડામાં રખાયેલ અંદાજે રૂ.૧૫૦૦ની કિંમતના ગેસ સીલીન્ડરની ચોરી કરી લઈ ગયા હતા. ત્યારબાદ આંગણવાડી કાર્યકર નિરૂબેને તપાસ કર્યા પછી મંગળવારે અજાણ્યા શખ્સ વિરૂધ્ધ ગાંભોઈ પોલીસ સ્ટેશનમાં ચોરીની ફરિયાદ નોંધાવી હતી.

આ પ્રકારના તમામ સમાચાર માટેે App ડાઉનલોડ કરો.