રીધ્ધી સીધ્ધીના નાલા પરથી શ્રમીક યુવકે ઝંપલાવ્યું: બાદમાં ટ્રેન હડફેટે કમકમાટીભર્યુ મોત

રીધ્ધી સીધ્ધીના નાલા પરથી રાજસ્થાની શ્રમીક યુવકે ઝંપલાવ્યું હતું. ત્યારે જ ટ્રેન આવી ચડતા ટ્રેન હડફેટે તેમનું કમકમાટીભર્યુ મોત નિપજયું હતું. બનાવ અંગે આજીડેમ પોલીસે દોડી જઈ બનાવનું કારણ જાણવા તજવીજ હાથ ધરી હતી.
પ્રાપ્ત વિગત મુજબ ગઈરાત્રે સાડા દશ વાગ્યાના આસપાસ રીધ્ધી સીધ્ધીના નાલાના બ્રીજ નીચેથી 25 વર્ષીય અજાણ્યા યુવાને ટ્રેન હડફેટે આવી જતા શરીરે ગંભીર ઈજા પહોંચી હતી. જે અંગે રેલ્વે પોલીસને જાણ થતા સ્ટાફ દોડી ગયો હતો અને 108ને જાણ કરતા 108 ટીમે દોડી આવી ઈજાગ્રસ્ત યુવાનને મૃત જાહેર કર્યો હતો. રેલ્વે પોલીસે બનાવ અંગે આજીડેમ પોલીસને જાણ કરી હતી.
દોડી આવેલ આજીડેમ પોલીસ મથકના હેડકોન્સ્ટેબલ કે.વી.બાલાસરાએ જરૂરી કાર્યવાહી કરી મૃતદેહને પીએમમાં ખસેડી મૃતકની ઓળખ મેળવતા યુવાન શાપરમાં રહેતો અમીતકુમાર જવાલાસિંહ ગોદારા (ઉ.19) હોવાનું ખુલ્યુ હતું. મૃતક મુળ રાજસ્થાની અને હાલ અટીકા ફાટક નજીક આવેલ ટ્રાન્સપોર્ટમાં મજુરીકામ કરતો હોવાનું સામે આવ્યું હતું. મૃતક યુવાને કયા કારણોસર આપઘાત કર્યો તે અંગે તપાસનો ધમધમાટ પોલીસે આદરી બનાવ અંગે તેમના પરિવારજનોને જાણ કરી હતી.

આ પ્રકારના તમામ સમાચાર માટેે App ડાઉનલોડ કરો.