અદાણી-હિંડનબર્ગ કેસમાં સુપ્રીમ કોર્ટે રિવ્યુ પિટિશન ફગાવી:ગ્રૂપે સ્ટોકના ભાવની હેરફેરની તપાસ SIT-CBIને ટ્રાન્સફર કરવાનો ઇનકાર કર્યો હતો

અદાણી-હિંડનબર્ગ કેસમાં તેના 3 જાન્યુઆરીના નિર્ણયની સમીક્ષાની માગ કરતી અરજીને સુપ્રીમ કોર્ટે ફગાવી દીધી છે. તેના નિર્ણયમાં કોર્ટે અદાણી ગ્રૂપ દ્વારા શેરના ભાવની હેરાફેરીના આરોપોની તપાસ SIT અથવા CBIને ટ્રાન્સફર કરવાનો ઇનકાર કર્યો હતો. ચીફ જસ્ટિસ ડીવાય ચંદ્રચુડ, જસ્ટિસ જેબી પારદીવાલા અને જસ્ટિસ મનોજ મિશ્રાની બેન્ચે આ અરજી ફગાવી દીધી છે. આ અરજી અનામિકા જયસ્વાલે દાખલ કરી હતી. રિવ્યુ પિટિશનમાં દાવો કરવામાં આવ્યો હતો કે સુપ્રીમ કોર્ટના નિર્ણયમાં ભૂલો છે. 8મી મેના રોજ પિટિશન ફગાવી દેવામાં આવી, આજે આદેશ જાહેર કરવામાં આવ્યો
રિવ્યુ પિટિશન 8મી મેના રોજ ફગાવી દેવામાં આવી હતી, પરંતુ આદેશ સોમવારે જાહેર કરવામાં આવ્યો હતો. ન્યાયાધીશ મૌખિક સુનાવણી કર્યા વિના તેમની ચેમ્બરમાં સમીક્ષા અરજીઓ પર વિચાર કરે છે. જયસ્વાલની અરજી ફેબ્રુઆરીમાં દાખલ કરવામાં આવી હતી. 24 જાન્યુઆરી, 2023ના રોજ હિંડનબર્ગ રિસર્ચએ અદાણી ગ્રૂપ સામે મની લોન્ડરિંગથી લઈને શેરની હેરાફેરી સુધીના આરોપો મૂક્યા હતા. સુપ્રીમ કોર્ટે આ કેસની તપાસ માટે 6 સભ્યોની કમિટીની રચના કરી હતી. આ સિવાય માર્કેટ રેગ્યુલેટર સેબીને પણ તપાસ કરવા માટે કહેવામાં આવ્યું હતું. 3 જાન્યુઆરીએ કોર્ટે કહ્યું હતું- કોર્ટની સત્તા મર્યાદિત છે
કોર્ટે કહ્યું કે, સેબીના નિયમનકારી માળખામાં દખલ કરવાની આ કોર્ટની સત્તા મર્યાદિત છે. સેબીએ 24માંથી 22 કેસમાં તપાસ પૂર્ણ કરી છે. સોલિસિટર જનરલની ખાતરીને ધ્યાનમાં રાખીને, અમે સેબીને અન્ય બે કેસમાં 3 મહિનામાં તપાસ પૂર્ણ કરવા નિર્દેશ આપીએ છીએ. સુપ્રીમ કોર્ટે કહ્યું કે, OCCPR રિપોર્ટને સેબીની તપાસ પર શંકાના રૂપમાં ન જોઈ શકાય. સુપ્રીમ કોર્ટનું માનવું છે કે, SEBI પાસેથી SITને તપાસ ટ્રાન્સફર કરવાનો કોઈ આધાર નથી. 'OCCRP' એ 2006 માં રચાયેલ એક તપાસ સંસ્થા છે, જે જ્યોર્જ સોરોસ અને રોકફેલર બ્રધર્સ જેવા રોકાણકારો અને ઉદ્યોગપતિઓ દ્વારા ભંડોળ પૂરું પાડવામાં આવે છે. સેબીને 2 પાસાઓ પર તપાસ કરવા માટે કહેવામાં આવ્યું હતું સમિતિએ 19 મે 2023ના રોજ રિપોર્ટ જાહેર કર્યો હતો
સુપ્રીમ કોર્ટની કમિટીએ 19 મે, 2023ના રોજ અદાણી-હિંડનબર્ગ કેસનો તપાસ રિપોર્ટ સાર્વજનિક કર્યો હતો. કમિટીએ કહ્યું હતું કે, અદાણીના શેરના ભાવમાં કથિત હેરાફેરી પાછળ સેબીની નિષ્ફળતા છે, આ નિષ્કર્ષ પર હજુ સુધી પહોંચી શકાય તેમ નથી. સમિતિએ એમ પણ કહ્યું હતું કે જૂથ કંપનીઓમાં વિદેશી ભંડોળ અંગે સેબીની તપાસ અનિર્ણિત રહી છે. નિષ્ણાત સમિતિના અહેવાલના મુદ્દા...

આ પ્રકારના તમામ સમાચાર માટેે App ડાઉનલોડ કરો.