અનંત-રાધિકાના લગ્નમાં બચ્ચન પરિવારની ચર્ચા:ફેમિલી ફોટોમાં ઐશ્વર્યા-આરાધ્યાની ગેરહાજરી ઉડીને આંખે વળગી, રેખાને જોતા જ બચ્ચન બહુ ગળે મળી

રિલાયન્સ ઇન્ડસ્ટ્રીઝ લિમિટેડના ચેરમેન અને એમડી મુકેશ અંબાણીના દીકરા અનંત અંબાણી અને બિઝનેસમેન વીરેન મર્ચન્ટની દીકરી રાધિકા મર્ચન્ટ લગ્નના બંધનમાં બઁધાઈ ગયા છે, આ લગ્નમાં દેશ-વિદેશથી માવેલા મહેમાનોની હાજરીએ ચાર ચાંદ લગાવી દીધા હતા. પરંતુ આ વચ્ચે સૌથી વધુ ચર્ચા થઇ રહી હોય તો તે બચ્ચન પરિવારની છે. આ સમયે બચ્ચન પરિવાર વિશે સૌથી વધુ ચર્ચા કરવામાં આવી રહી છે. અનંત-રાધિકાના લગ્નમાં સમગ્ર બચ્ચન પરિવારે હાજરી આપી હતી, પરંતુ પુત્રવધૂ ઐશ્વર્યા રાય અને પૌત્રી આરાધ્યા બચ્ચન તેમની સાથે જોવા મળ્યા ન હતા. આવી સ્થિતિમાં ઐશ્વર્યાના અભિષેક બચ્ચનથી અલગ થવાના સમાચાર ફરી વાયુવેગે ફેલાયા છે. અનંત અંબાણી અને રાધિકા મર્ચન્ટના લગ્નમાં અમિતાભ બચ્ચન, જયા બચ્ચન તેમની પુત્રી શ્વેતા બચ્ચન, જમાઈ, પુત્ર અભિષેક બચ્ચન, નવ્યા અને અગસ્ત્ય સાથે પહોંચ્યા હતા. બધાએ પોતાના લુક અને ડ્રેસિંગ સેન્સથી ફેન્સને પ્રભાવિત કર્યા હતા. આ પ્રસંગે જયા બચ્ચન પાપારાઝી માટે પોઝ આપતી વખતે ખૂબ જ ખુશ અને હસતા જોવા મળ્યા હતા, જે સામાન્ય રીતે ગુસ્સામાં દેખાય છે. શ્વેતાની સાથે તેની પુત્રી નવ્યા નવેલી નંદાનો લુક પણ ઘણો પસંદ કરવામાં આવ્યો હતો. પરંતુ આ સમયે બધાની નજર ઐશ્વર્યા રાય અને આરાધ્યાને શોધતી જોવા મળી હતી, જેઓ તેમની સાથે લગ્નમાં આવ્યા ન હતા. ઐશ્વર્યા રાય બચ્ચન અને તેની પુત્રી આરાધ્યા બચ્ચન બચ્ચન પરિવાર સાથે હાજર રહ્યા ન હતા. અનંત અને રાધિકાના લગ્નમાં મા-દીકરી અલગ આવ્યા હતા. ગત વર્ષથી સતત એવા રિપોર્ટ આવી રહ્યા છે કે અભિષેક અને ઐશ્વર્યા લગ્નના લગભગ 16 વર્ષ બાદ અલગ થઈ રહ્યા છે. આવી સ્થિતિમાં લગ્નમાં અલગથી આવવાથી અલગ થવાની અફવાઓને વધુ વેગ મળ્યો છે. તો આ વચ્ચે એક વીડિયો વાઇરલ થઇ રહ્યો છે, લગ્નના દિવસે ઐશ્વર્યા રાયે પુત્રી આરાધ્યા સાથે હાજરી આપી હતી. લાલચટક અને ગોલ્ડન ડ્રેસમાં ઐશ્વર્યા ખૂબ જ સુંદર લાગી રહી હતી. આ ડ્રેસ સાથે હેવી નેકલેસ અને માંગ ટીક્કા કેરી કરવામાં આવ્યા હતા. તેની પુત્રી આરાધ્યા બચ્ચન પણ તેની માતાથી ઓછી દેખાતી નથી. ફેન્સને બંનેનો લુક ઘણો પસંદ આવી રહ્યો છે. આ સ્થિતિમાં ઐશ્વર્યા અંબાણીના લગ્નમાં એન્ટ્રી કરતા જ રેખા સાથે મુલાકાત થઇ હતી. રેખાએ ઐશ્વર્યાને જોતાની સાથે જ તેમને ગળે લગાવી અને તેના ગાલ પર કિસ કરી હતી. આ ક્ષણ ખરેખર સુંદર હતી. પાપારાઝીએ પણ આ ક્ષણને કેમેરામાં કેદ કરવામાં જરા પણ વિલંબ કર્યો ન હતો. આ વીડિયો હવે સોશિયલ મીડિયા પર લોકોનું ધ્યાન ખેંચી રહ્યો છે. આ બાદ અલગ-અલગ પહોંચ્યા બાદ ઐશ્વર્યા રાય અને અભિષેક બચ્ચન સાથે બેઠેલા જોવા મળ્યા હતા. તેમની દીકરી આરાધ્યા પણ તેમની પાસે બેઠી હતી. એક વીડિયો વાયરલ થઈ રહ્યો છે જેમાં દાવો કરવામાં આવી રહ્યો છે કે બંને એક સાથે બેઠા હોવા છતાં એક બીજાને નજરઅંદાજ કરી રહ્યા છે. બીજા વીડિયોમાં બંને હૃતિક રોશન સાથે હસતા અને વાત કરતા જોવા મળે છે. આ સમગ્ર મામલાને લઈને ફેન્સ ખૂબ જ નારાજ જોવા મળી રહ્યા છે. તેમનું કહેવું છે કે બચ્ચન પરિવાર ઐશ્વર્યા રાય સાથે સારો વ્યવહાર નથી કરી રહ્યો. આ પરિવાર માટે ઐશ્વર્યાએ પોતાનું કરિયર જોખમમાં મૂક્યું હતું. એક યુઝરે લખ્યું, "તે જોઈને દુઃખ થાય છે કે ઐશ્વર્યા રાય પોતાની અને દીકરી સાથે આત-આટલું થયા બાદ પણ અભિષેક બચ્ચન અને તેના પરિવાર સાથે બરાબર થવાનો પ્રયાસ કરી રહી છે. અભિષેક પાસે તેની પત્ની અને પુત્રી સાથે રહેવાનો શિષ્ટાચાર પણ નથી. એક્ટ્રેસ આ પરિવાર માટે પોતાની કરિયરનું બલિદાન આપ્યું. તેમની કરિયર અમિતાભ, જયા અને અભિષેક કરતા વધુ સફળ રહી શકી હોત.

આ પ્રકારના તમામ સમાચાર માટેે App ડાઉનલોડ કરો.