બિગ બોસ OTT-3માં ફિઝિકલ ફાઇટ થઈ:અરમાન મલિકે વિશાલને મારી થપ્પડ, પત્ની કૃતિકા માટે કહ્યું હતું, ‘ભાભી સારી લાગે છે’

તાજેતરમાં લોકપ્રિય રિયાલિટી શો બિગ બોસ ઓટીટીમાં છૂટા હાથની મારામારી થઈ હતી. શોના સ્પર્ધક અરમાન મલિકે વિશાલ પાંડેને થપ્પડ મારી છે. વાસ્તવમાં, થોડા દિવસ પહેલા જ વિશાલે અરમાનની બીજી પત્ની કૃતિકા મલિક પર વિવાદાસ્પદ ટિપ્પણી કરી હતી. તેણે કહ્યું હતું કે તે પાયલ મલિકને પસંદ કરે છે. તાજેતરમાં, શોની ભૂતપૂર્વ સ્પર્ધક અને અરમાન મલિકની પ્રથમ પત્ની પાયલ મલિક, વીકેન્ડ કા વાર એપિસોડમાં જોવા મળી હતી. શોમાં આવીને, તેણે વિશાલ પાંડેની ટિપ્પણી સામે વાંધો ઉઠાવ્યો છે જેમાં તેણે કહ્યું હતું કે તે પરિણીત કૃતિકા મલિકને પસંદ કરે છે અને તે આ માટે ગુનાઇત લાગણી પણ અનુભવે છે. જ્યારે પાયલ મલિકે શોમાં આ વાતનો ખુલાસો કરીને પોતાની નારાજગી વ્યક્ત કરી તો બધાને આશ્ચર્ય થયું. વિશાલ પાંડેએ હોસ્ટ અનિલ કપૂરને કહ્યું હતું કે, તેણે અલગ રીતે કહ્યું હતું, પરંતુ તેના શબ્દોને વિકૃત કરવામાં આવ્યા છે. જો કે આ મુદ્દે અનિલ કપૂરે તેને ઠપકો પણ આપ્યો છે. હવે સમાચાર છે કે અરમાન મલિકે તેની વિવાદાસ્પદ ટિપ્પણી બાદ વિશાલને થપ્પડ મારી દીધી છે. હાલમાં જ Jio સિનેમાએ શોનો નવો પ્રોમો રિલીઝ કર્યો છે જેમાં અરમાન મલિક વિશાલને થપ્પડ મારતો જોવા મળે છે. આ લડાઈ અરમાન મલિક અને વિશાલ વચ્ચેની દલીલથી શરૂ થઈ હતી, જો કે બાદમાં બંને વચ્ચે મામલો મારામારી સુધી પહોંચ્યો હતો. થપ્પડ બાદ વિશાલ પાંડેને ખૂબ જ આઘાત લાગ્યો હતો, જ્યારે ઘરના અન્ય સભ્યોએ અરમાનને પકડી લીધો હતો. જ્યારથી આ પ્રોમો સામે આવ્યો છે ત્યારથી દરેક અરમાન મલિક સામે કાર્યવાહીની માગ કરી રહ્યા છે. અનિલ કપૂર પર ભેદભાવનો આરોપ
જ્યારથી વિશાલને થપ્પડ મારવામાં આવી છે ત્યારથી શોના ચાહકો અનિલ કપૂર પર પોતાની નારાજગી વ્યક્ત કરી રહ્યા છે. ઘણા ચાહકો માને છે કે હોસ્ટ અનિલ કપૂર વિશાલ પાંડે સાથે ખૂબ જ કડક છે. તે સતત વિશાલને નિશાન બનાવે છે. શું છે સમગ્ર મામલો?
વાસ્તવમાં, તાજેતરમાં એક ટાસ્ક પછી, વિશાલ પાંડેએ કૃતિકા મલિકને પસંદ કરવાની કબૂલાત કરી હતી. તેણે તેની સાથે બેઠેલા લવકેશ કટારિયાને કહ્યું કે, તે એક બાબતમાં દોષિત છે. લવકેશે જ્યારે તેને આખી વાત પૂછી ત્યારે તેણે તેના કાનમાં બબડાટ કર્યો કે મને કૃતિકા ભાભી ગમે છે. વિશાલની વાત સાંભળીને તરત જ લવકેશે તેને અટકાવ્યો. આ પછી, 'વીકેન્ડ કા વાર એપિસોડ'માં, અરમાન મલિકની પહેલી પત્ની પાયલે આ મુદ્દે પોતાનો અવાજ ઉઠાવ્યો હતો. તમને જણાવી દઈએ કે આ અઠવાડિયે વિશાલ પાંડે, રણવીર શૌરી, મુનિષા, લવ કટારિયા, સના સુલ્તાના, સના મકબૂલ, સાઈ કેતનને બહાર કાઢવા માટે નોમિનેટ કરવામાં આવ્યા છે.

આ પ્રકારના તમામ સમાચાર માટેે App ડાઉનલોડ કરો.