જેલમાં વિતાવેલા દિવસોને યાદ કરીને શીઝાન ભાવુક થયો:કહ્યું, ‘આજે પણ મને પેનિક એટેક આવે છે, હું કોઈના પ્રેમમાં પડવા તૈયાર નથી’

વર્ષ 2022માં, શીઝાન ખાનની કો-એક્ટર તુનીષા શર્માએ ટીવી શો 'અલાદ્દીન નામ તો સુના હોગા'ના સેટ પર આત્મહત્યા કરી લીધી હતી. તુનિષાની માતા વનિતા શર્માએ શીઝાન પર આત્મહત્યા માટે ઉશ્કેરવાનો આરોપ લગાવ્યો હતો, ત્યારબાદ અભિનેતાની ધરપકડ કરવામાં આવી હતી. શીઝાનને માર્ચ 2023માં જામીન મળ્યા હતા. જો અભિનેતાની વાત માનીએ તો તે હજુ પણ પેનિક એટેક આવે છે. તાજેતરમાં દિવ્ય ભાસ્કર સાથેની વાતચીત દરમિયાન શીઝાન જેલમાં વિતાવેલા દિવસોને યાદ કરીને ભાવુક બની ગયો હતો. વાતચીત દરમિયાન તેણે વેબ સિરીઝ 'હીરામંડી'ના નિર્માતા સંજય લીલા ભણસાલી પર પણ કટાક્ષ કર્યો હતો. આજે પણ પેનિક એટેક આવે છે
મેં જેલમાં વિતાવેલા દિવસો હું ક્યારેય ભૂલી શકતો નથી. ઘણી વખત હું આ વિચારવાનું બંધ કરું છું, જો કે આ મુસાફરી સરળ નથી. આજે પણ મને પેનિક એટેક આવે છે. તે સમયે જ્યારે મદદની જરૂર હતી ત્યારે ત્યાં કોઈ નહોતું. હું ખૂબ જ એકલો હતો. ઉલ્લેખનીય છે કે, મને જેલમાં વાંચવા માટે પુસ્તકો આપવામાં આવ્યા હતા. તે પુસ્તકોએ મારા માનસિક સ્વાસ્થ્યને સ્થિર રાખવામાં ઘણી મદદ કરી. મેં મારી જાતને ખૂબ પ્રોત્સાહિત કરી. જો કે, જ્યારે હું બહાર આવ્યો ત્યારે મને સમજાયું કે વાસ્તવિક જેલ બહારની દુનિયા છે. મારે એકલા જ આનો સામનો કરવો પડશે. ગુમાવવુ માટે હવે કઈ નથી વધ્યું
હું મારી જાતને નસીબદાર માનું છું કે આટલું બધું હોવા છતાં મને ઈન્ડસ્ટ્રીમાં કામ મળવાનું બંધ નથી થયું. મારા પ્રિયજનોના આશીર્વાદ મારા માટે કામ કરતા હતા. જોકે આ ઘટના બાદ મારી હિંમત વધી છે. હવે હું કોઈની સામે ઝૂકતો નથી. અગાઉ જ્યારે પણ કંઇક ખોટું થયું ત્યારે તેની સામે બોલવાની મારામાં હિંમત નહોતી. મને ડર હતો કે કોઈ મને કાઢી મૂકશે. પણ હવે મને લાગે છે કે મારી પાસે ગુમાવવા માટે કંઈ બચ્યું નથી. હવે કોઈની હિંમત નથી કે આવીને મને બે વાત કહે. હું મારો અધિકાર છીનવી લઉં છું. સંજય લીલા ભણસાલી પાસેથી આવા આશા નહોતી
જ્યારે મેં 'હીરામંડી'ના પ્રારંભિક એપિસોડ જોયા ત્યારે હું ચોંકી ગયો હતો. સમગ્ર સિરીઝમાં ઉર્દૂ ખોટી રીતે બોલવામાં આવી છે. જો કોઈ નવો ફિલ્મમેકર હોત, તો કદાચ આ ભૂલને એક વખત અવગણી શકાઈ હોત. પરંતુ સંજય લીલા ભણસાલી પાસેથી આ અપેક્ષા નહોતી, હું જે પણ ખોટું હશે તેની સામે હું અવાજ ઉઠાવીશ. અધ્યયન સુમન, ફરીદા જલાલ, શેખર સુમન, ફરદીન ખાન સિવાય કોઈએ સારું કામ કર્યું નથી. આંગળી કાપીને શહીદોમાં પોતાના નામ લખાવું તેવા લોકોમાંથી હું નથી
દરેક અભિનેતાનું સપનું હોય છે કે બોલીવુડમાં સારો બ્રેક મળે. પડદા પર સારું પાત્ર ભજવવાની તક મળે. જો કે મારી આંગળી કાપીને શહીદોમાં મારું નામ લખાવનારો હું નથી. હું માત્ર મોટા દિગ્દર્શકના નામે ફિલ્મ કરવા નથી માંગતો. મને બોલિવૂડમાં એવી ભૂમિકાઓ ઓફર કરવામાં આવી હતી જેનો કોઈ અર્થ નહોતો. જો એ પાત્રને વાર્તામાંથી કાઢી નાખવામાં આવે તો તેનો કોઈ અર્થ રહેતો નથી. મેં એ રોલ ના પાડી દીધી હતી. હું ટેલિવિઝનમાં મારું સન્માન મેળવવા તૈયાર છું. સોશિયલ મીડિયામાં મળેલી પ્રસિદ્ધિની કોઈ વેલેડિટી નથી હોતી
ટીવી ઈન્ડસ્ટ્રીમાં અભિનય કરતાં દેખાવ વધુ મહત્ત્વનો છે. ઘણા નિર્માતાઓ કહે છે કે માત્ર દેખાવ સારો હોવો જોઈએ, તેઓ અભિનય કરાવશે. આ વિચારસરણીના કારણે ઘણા નિર્માતાઓને પરિણામ ભોગવવા પડે છે. શો 2-3 મહિનામાં બંધ થઈ રહ્યા છે. હું માનું છું કે દેખાવની સાથે અભિનય કૌશલ્યને પણ જોવું ખૂબ જ જરૂરી છે. સોશિયલ મીડિયા પર મળેલી પ્રસિદ્ધિની કોઈ આવરદા નથી. તેમની પાસે અભિનય માટે કોઈ આધાર નથી. ખૂબ જ ઓછા સમયમાં મળેલી પ્રસિદ્ધિ પણ ખૂબ જ ઝડપથી સમાપ્ત થઈ જાય છે. બસ, આ આજના જમાનાની વાસ્તવિકતા છે. કોઈને પ્રેમ કરવા માટે તૈયાર નથી
હું મારી જાત સાથે ખૂબ જ ખુશ છું. હું જમાનાને ખૂબ વફાદાર રહ્યો છું, પણ હવે મારે મારી જાતને વફાદાર રહેવું પડશે. હું બિલકુલ પ્રેમ શોધી રહ્યો નથી. જો હું તેને બે લીટીમાં વ્યક્ત કરી શકું - 'મને એકલતાની આદત છે, મને છોડી દો,' હું હવે કોઈ છોકરીનું દિલ તોડી શકતો નથી, મારું પણ નહીં. હું કોઈના પ્રેમમાં પડવા તૈયાર નથી.' માતા થી વધુ સારું કોઈપણ ના સમજી શક્યું
મારી માતા ક્યારેક લગ્ન વિશે મજાક કરે છે. જોકે, તેણે આ માટે મને ક્યારેય દબાણ કર્યું નથી. ખરેખર, મારી માતા પણ એકલી રહી છે. તે સિંગલ પેરેન્ટ હતી. મને તેના કરતાં વધુ સારી રીતે કોઈ સમજી શકતું નથી.

આ પ્રકારના તમામ સમાચાર માટેે App ડાઉનલોડ કરો.