કેજરીવાલના રિમાન્ડ પર નિર્ણય સુરક્ષિત:CBIએ દિલ્હીના CMની કસ્ટડી માંગી નહીં, કોર્ટમાં કહ્યું- તેમને જ્યુડિશિયલ કસ્ટડીમાં પાછા મોકલી દો

દિલ્હીના મુખ્યમંત્રી અરવિંદ કેજરીવાલની ત્રણ દિવસની CBI કસ્ટડીનો આજે પુરી થઈ હતી. જેથી તેમને રાઉઝ એવન્યુ કોર્ટમાં હાજર કરવામાં આવ્યા હતા. CBIએ કોર્ટમાં કેજરીવાલના રિમાન્ડ વધારવાની અપીલ કરી નહીં. તેમને જ્યુડિશિયલ કસ્ટડીમાં મોકલવાની માંગણી કરી હતી. 25 જૂને દિલ્હી હાઈકોર્ટે કેજરીવાલને જામીન આપવાના નીચલી કોર્ટના નિર્ણય પર રોક લગાવી દીધી હતી. તે જ રાત્રે, CBI ભ્રષ્ટાચારના કેસમાં પૂછપરછ માટે તિહાર પહોંચી અને 26 જૂને સવારે તેની ધરપકડ કરવામાં આવી હતી. કોર્ટમાં હાજર થવા દરમિયાન એજન્સીએ તેમની 5 દિવસની કસ્ટડી માંગી હતી, પરંતુ કોર્ટે તેને 3 દિવસના રિમાન્ડ આપ્યા હતા. 76 દિવસથી જેલમાં છે. કેજરીવાલ સામે બે કેસ નોંધાયેલા છે. પહેલો ઈડીનો છે, જેમાં તેની સામે મની લોન્ડરિંગનો કેસ નોંધવામાં આવ્યો છે. EDએ 21 માર્ચે કેજરીવાલની ધરપકડ કરી હતી. બીજો સીબીઆઈનો છે, જે લિકર પોલિસીમાં ભ્રષ્ટાચાર અંગે નોંધાયેલ હતો. આ કેસમાં કેજરીવાલની 26 જૂને ફરી ધરપકડ કરવામાં આવી છે. આ કેસ દિલ્હીના એલજી વીકે સક્સેનાની ફરિયાદ પર નોંધવામાં આવ્યો હતો. બંને કેસ અલગ-અલગ નોંધાયા છે, તેથી ધરપકડ પણ અલગ-અલગ કરવામાં આવી છે. AAPના વિરોધની તસવીરો... ગઈ સુનાવણીમાં કેજરીવાલની તબિયત બગડી હતી
26 જૂને CBIએ કેજરીવાલને કોર્ટમાં રજૂ કર્યા હતા. સુનાવણી દરમિયાન કેજરીવાલે કહ્યું કે મીડિયામાં એવા સમાચાર પ્રસારિત થઈ રહ્યા છે કે મેં સિસોદિયા પર લિકર પોલિસી મામલે આરોપો લગાવ્યા છે. આ ખોટું છે. મેં કહ્યું કે કોઈ દોષિત નથી. સિસોદિયા પણ દોષિત નથી. તેના પર સીબીઆઈના વકીલે કહ્યું કે મીડિયામાં જે પણ ચાલી રહ્યું છે તે સાચું છે. બધું તથ્યો પર આધારિત છે. આ પહેલા સુનાવણી દરમિયાન જ કોર્ટ રૂમમાં કેજરીવાલની તબિયત બગડી હતી. સુગર લેવલ ઘટી જવાને કારણે તેમને થોડા સમય માટે અલગ રૂમમાં શિફ્ટ કરવામાં આવ્યા હતા. જોકે, બાદમાં તે કોર્ટરૂમમાં પાછા ફર્યા હતા. કેજરીવાલ સુપ્રીમ કોર્ટમાં નવી અરજી કરશે
CBI કેસમાં ધરપકડ બાદ કેજરીવાલે સુપ્રીમ કોર્ટમાં કરેલી જામીન અરજી પાછી ખેંચી લીધી છે. મની લોન્ડરિંગ કેસમાં નીચલી કોર્ટે 20 જૂને તેમને જામીન આપ્યા હતા. તેની સામે ED હાઈકોર્ટમાં પહોંચી હતી. 25 જૂને હાઈકોર્ટે નીચલી કોર્ટના નિર્ણયને પલટી નાખ્યો હતો. કેજરીવાલે તેની સામે સુપ્રીમ કોર્ટમાં અરજી કરી હતી. સુપ્રીમ કોર્ટમાં જ્યારે કેસની સુનાવણી શરૂ થઈ ત્યારે કેજરીવાલના વકીલ અભિષેક મનુ સિંઘવીએ કહ્યું કે કેજરીવાલની સીબીઆઈ દ્વારા ધરપકડ કરવામાં આવી છે. દિલ્હી હાઈકોર્ટે 25 જૂનના રોજ જામીન આપવાના નીચલી કોર્ટના આદેશને પણ રદ કરી દીધો છે. હવે અમે હાઈકોર્ટના 25 જૂનના આદેશ સામે નવી અરજી કરીશું. તેથી હવે હાલની પિટિશન પાછી ખેચવા માંગે છે. આ પછી સુપ્રીમ કોર્ટે EDના વકીલ એસવી રાજુની સંમતિ બાદ અરજી પાછી ખેંચવાની મંજૂરી આપી હતી.

આ પ્રકારના તમામ સમાચાર માટેે App ડાઉનલોડ કરો.