સગીરા પર દુષ્કર્મના કેસમાં આરોપીને આજીવન કેદની સજા

શહેરમાં ભાવનગર રોડ પર આજીડેમ ચોકડી નજીક ફૂટપાટ પર રહેતા પરિવારની 13 વર્ષની સગીરાનું અપહરણ કરી દુષ્કર્મ આચરવાના કેસમાં કોર્ટે પરિણીત બિહારી શખ્સને અંતિમ શ્વાસ સુધીની સજા ફટકારતો હુકમ ફરમાવ્યો છે.શહેરમાં ભાવનગર રોડ પર ફૂટપાથ પર રહેતા પરિવારની 13 વર્ષની સગીરાને આરોપી બીગનકુમાર ઉર્ફે ધર્મેન્દ્ર ઉર્ફે છોટુ રામનરેશ શાહ (રહે.બિહાર)તા. 2-12-23ના રોજ અપહરણ કરી લઇ જઇ દુષ્કર્મ આચર્યું હાેવાની સગીરાના પરિવારે ફરિયાદ કરતા થોરાળા પોલીસે ગુનો નોંધી આરોપી બીગનકુમાર શાહની ધરપકડ કરી હતી અને જેલહવાલે કર્યો હતો. તેમજ આરોપી વિરૂધ્ધ પુરતો પુરાવો મળી આવતા તપાસ અધિકારી દ્વારા પોકસો અદાલત ચાર્જસીટ દાખલ કરવામાં આવી હતી.

આ પ્રકારના તમામ સમાચાર માટેે App ડાઉનલોડ કરો.