અમેરિકા-ચીન વચ્ચે પરમાણુ હથિયારોને લઈ ચર્ચા:ડ્રેગને કહ્યું- અમે તાઈવાન સાથે યુદ્ધ હારીશું તો પણ પરમાણુ હથિયારનો ઉપયોગ નહીં કરીએ

5 વર્ષમાં પહેલીવાર અમેરિકા અને ચીન વચ્ચે પરમાણુ હથિયારો પર વાતચીત થઈ હતી. ન્યૂઝ એજન્સી રોયટર્સ અનુસાર, આ વાતચીત આ વર્ષે માર્ચમાં થવાની હતી, પરંતુ હવે બંને દેશોના અધિકારીઓ સાથે બેઠા છે. બે અમેરિકન અધિકારીઓએ ન્યૂઝ એજન્સી રોઇટર્સને આ માહિતી આપી હતી. વાતચીત દરમિયાન ચીની અધિકારીઓએ અમેરિકન અધિકારીઓને કહ્યું કે, જો ચીન અને તાઈવાન વચ્ચે યુદ્ધ થશે તો ચીન પરમાણુ હથિયારોનો ઉપયોગ નહીં કરે. વાતચીત દરમિયાન ચીની અધિકારીઓએ અમેરિકન અધિકારીઓને ખાતરી આપી હતી કે, જો ચીન બંને દેશો વચ્ચેના યુદ્ધમાં હારશે તો પણ તે પરમાણુ હથિયારોનો ઉપયોગ નહીં કરે. આ મીટિંગમાં સામેલ અમેરિકન અધિકારી ડેવિડ સેંટોરોએ ન્યૂઝ એજન્સીને જણાવ્યું કે, ચીની અધિકારીઓને વિશ્વાસ છે કે તેઓ પરમાણુ હથિયારોનો ઉપયોગ કર્યા વિના તાઈવાનને હરાવી શકે છે. અહીં તાઈવાને ચીનના આ વચનને સ્વીકારવાનો ઈન્કાર કરી દીધો છે. શાંઘાઈમાં બે દિવસ સુધી અમેરિકન અને ચીનના અધિકારીઓ વચ્ચે વાતચીત થઈ
મીડિયા રિપોર્ટ્સ અનુસાર, આ બેઠક શાંઘાઈમાં બે દિવસ સુધી યોજાઈ હતી, જેમાં યુએસ તરફથી અડધો ડઝન પ્રતિનિધિઓએ ચીનને પોતાનો પક્ષ રજૂ કર્યો હતો. તેમાં ભૂતપૂર્વ અધિકારીઓ અને વિદ્વાનોનો સમાવેશ થતો હતો. ચીનની બાજુએ ભૂતપૂર્વ સૈન્ય અધિકારીઓ, વિદ્વાનો અને વિશ્લેષકોના પ્રતિનિધિમંડળે તેમાં ભાગ લીધો હતો. અમેરિકન અધિકારીએ કહ્યું કે, આ ચર્ચા સત્તાવાર વાતચીતનું સ્થાન લઈ શકે નહીં. બંને દેશો વચ્ચેની વાતચીત એવા સમયે થઈ હતી. જ્યારે તેમની વચ્ચે આર્થિક અને ભૂરાજનીતિને લઈને તણાવ હતો, જેમાં બંનેએ એકબીજા પર ભેદભાવપૂર્ણ વર્તન કરવાનો આરોપ લગાવ્યો હતો. યુએસ ડિફેન્સ ડિપાર્ટમેન્ટના રિપોર્ટ અનુસાર ચીને 2021 અને 2023 વચ્ચે પોતાના પરમાણુ હથિયારોની સંખ્યામાં 20%નો વધારો કર્યો છે. યુએસ ડિફેન્સ ડિપાર્ટમેન્ટે ગયા વર્ષે અનુમાન લગાવ્યું હતું કે, ચીન પાસે 500 ઓપરેશનલ ન્યુક્લિયર વેપન્સ છે. 2030 સુધીમાં તેની પાસે 1,000 પરમાણુ શસ્ત્રો હશે. તાઈવાન ચીનથી ક્યારે અને કેવી રીતે અલગ થયું?
તાઇવાન અને ચીન વચ્ચેનો વર્તમાન સંઘર્ષ બીજા વિશ્વ યુદ્ધ પછી શરૂ થયો હતો. હકીકતમાં, ત્યારે ચીનમાં રાષ્ટ્રવાદી સરકારી દળો અને ચીની કમ્યુનિસ્ટ પાર્ટી વચ્ચે ગૃહયુદ્ધ શરૂ થઈ ગયું હતું. 1949માં સામ્યવાદીઓ જીતી ગયા અને તેમના નેતા માઓ ઝેડોંગે મેઇનલેન્ડ ચીનની રાજધાની બેઇજિંગ પર નિયંત્રણ મેળવ્યું. હાર પછી રાષ્ટ્રવાદી પક્ષ કુઓમિન્તાંગના નેતાઓ તાઇવાન ભાગી ગયા. ત્યારથી કુઓમિન્તાંગ તાઇવાનમાં સૌથી અગ્રણી રાજકીય પક્ષ છે અને મોટા ભાગના સમય માટે તાઇવાન પર શાસન કર્યું છે. હાલમાં માત્ર 14 દેશો તાઈવાનને સાર્વભૌમ દેશ તરીકે માન્યતા આપે છે. તાઈવાનને સમર્થન આપવા છતાં અમેરિકા પોતે તેને સ્વતંત્ર દેશ નથી માનતું. ચીન અન્ય દેશો પર તાઈવાનને માન્યતા ન આપવા માટે રાજદ્વારી દબાણ કરી રહ્યું છે. હાલમાં ચીન અને તાઈવાન વચ્ચેના સંબંધો ખૂબ જ તંગ છે. ચાઇના-તાઇવાન વિવાદ 1 ઓક્ટોબર 2022માં ચીનના રાષ્ટ્રીય દિવસના રોજ શરૂ થયો હતો, જ્યારે 100થી વધુ ચીની જેટોએ તાઇવાનના હવાઈ સંરક્ષણ ક્ષેત્રનું ઉલ્લંઘન કર્યું હતું. ચીનના આ પગલા બાદ જ દુનિયામાં ચર્ચા શરૂ થઈ ગઈ છે કે, તે તાઈવાન પર બળજબરીથી કબજો કરવા જઈ રહ્યું છે. ફેબ્રુઆરીમાં યુક્રેન પર રશિયાના હુમલા અને રશિયાને ચીનના સમર્થનથી તાઈવાન પર હુમલાની આશંકા વધુ વધી છે.

આ પ્રકારના તમામ સમાચાર માટેે App ડાઉનલોડ કરો.