નાનાજાબુંડા-ચાસવડ રોડ પરથી વિદેશી દારૂના જથ્થા સાથે ત્રણ ઝડપાયા
નેત્રંગઃ નેત્રંગ તાલુકાના નાના જાબુંડાથી ચાસવડને જોડતા રોડ પરથી એક સ્કુટર અને એક રિક્ષામાં લઇ જવાતા વિદેશી દારૂના જથ્થા સાથે પોલીસે ત્રણ ઇસમને ઝડપી લઇને કુલ રૂ. ૧૬૬૧૦૦નો મુદ્દામાલ કબજે લીધો હતો. નેત્રંગ પોલીસમાંથી મળતી વિગતો મુજબ પોલીસને બાતમી મળી હતી કે ડેડિયાપાડા તરફથી એક સ્કુટર અને એક રિક્ષામાં વિદેશી દારૂ લઇને ત્રણ ઇસમ આવે છે અને અંકલેશ્વર તરફ જનાર છે. પોલીસે નાના જાબુંડા ચાસવડ રોડ પર મોતિયાના જંગલમાંથી પસાર થતા આ રોડ પર વોચ ગોઠવી હતી અને બાતમી મુજબનું સ્કુટર અને રિક્ષા આવતા તેમને રોકીને તપાસ કરતા વિદેશી દારૂનો જથ્થો મળી આવ્યો હતો. પોલીસે વિદેશી દારૂનો જથ્થો, સ્કુટર, રિક્ષા તેમજ મોબાઇલ નંગ ૩ મળીને કુલ રૂપિયા ૧૬૬૧૦૦નો મુદ્દામાલ કબજે લીધો હતો અને સાથેના ત્રણ ઇસમ વિષ્ણુભાઇ ચતુરભાઈ વસાવા, પ્રકાશ ભાવસિંગભાઈ વસાવા તેમજ મયૂરભાઇ મહેશભાઇ પરમાર વિરૂધ્ધ ગુનો નોંધી કાર્યવાહી હાથ ધરી હતી.
9725041324
આ પ્રકારના તમામ સમાચાર માટેે
App ડાઉનલોડ કરો.