બોટાદ માહિતી કચેરીના કર્મનિષ્ઠ, કાર્યશીલ અને ઉત્સાહી અધિક્ષક યૂ.જે.બરાળની ભાવનગર બદલી થતાં વિદાય સમારોહ યોજાયો

બોટાદ જિલ્લા માહિતી કચેરી ખાતે ફરજ બજાવતા કર્મશીલ તથા ઉર્જાવાન અધિક્ષકશ્રી યૂ.જે. બરાળની ભાવનગર ખાતે બદલી થતાં તેમનો વિદાય સમારોહ યોજવામાં આવ્યો. કાર્યક્રમની સ્વાગત વિધિ સહાયક માહિતી નિયામક રાધિકા વ્યાસ દ્વારા કરવામાં આવી હતી. આ દરમિયાન તેમણે બરાળ સાથેના કાર્યકાળ દરમિયાન રહેલા યાદગાર સંભારણા સૌ સમક્ષ મુક્યા હતાં, તેમજ તેમને શુભકામનાઓ પાઠવી હતી. આ અવસરે શ્રી બરાળે પોતાના અનુભવો સૌ સમક્ષ રજૂ કર્યા હતાં.

વિદાય સમારોહમાં નાયબ માહિતી નિયામક હિમાંશુભાઈ ઉપાધ્યાય, નાયબ માહિતી નિયામક ચિંતનભાઈ રાવલ, સહાયક માહિતી નિયામક દિવ્યેશભાઈ વ્યાસ, નિવૃત્ત સહાયક માહિતી નિયામક સત્યદેવભાઈ, બોટાદ તાલુકા વિકાસ અધિકારી જયરાજસિંહ ગોહિલ, મદદનીશ ખેતી નિયામક કે.બી.રમણાએ બરાળ સાથેની કામગીરીના અનુભવો વાગોળ્યા હતાં. બરાળે વર્ષ 1987થી ગઢડા ખાતે જુનિયર ક્લાર્ક તરીકે પોતાના કાર્યકાળની શરૂઆત કરી હતી. ગઢડા ખાતેથી બદલી થયા બાદ ભાવનગર અને 2014માં બોટાદ જ્યારે જિલ્લો થયો ત્યારથી બોટાદ અને ત્યાંથી ગાંધીનગર, અમરેલી, દેવભૂમિ દ્વારકા સહિતનાં જિલ્લાઓમાં તેમણે ફરજ બજાવી છે. તેઓને 2021થી ફરી બોટાદ ખાતે ફરજ પર મુકવામાં આવ્યાં હતાં. આ તકે કાર્યક્રમની આભારવિધિ સિનિયર સબ એડિટરશ્રી ભરતભાઈ દેત્રોજા દ્વારા તથા સમગ્ર કાર્યક્રમનું સંચાલન માહિતી મદદનીશ હેમાલીબેન ભટ્ટ દ્વારા કરવામાં કરવામાં આવ્યું હતું.

આ પ્રકારના તમામ સમાચાર માટેે App ડાઉનલોડ કરો.