‘ખતરોં કે ખિલાડી 14’ના સેટ પર શાલિન ભનોત ઈજાગ્રસ્ત થયો:એક સાથે 200 વીંછી કરડ્યા, ચહેરાની એક બાજુ સોજો આવી ગયો, ચાહકોએ જલ્દી સાજા થાય તેવી શુભેચ્છા પાઠવી

લોકપ્રિય ટીવી એક્ટર શાલીન ભનોત હાલમાં રિયાલિટી શો 'ખતરોં કે ખિલાડી 14' માટે શૂટિંગ કરી રહ્યો છે. તાજેતરમાં જ શોના સેટ પર અભિનેતાનો અકસ્માત થયો હતો. તે સ્ટંટ કરી રહ્યો હતો ત્યારે તેના પર વીંછીઓએ હુમલો કર્યો હતો. આ અકસ્માતના થોડા સમય બાદ શાલિન ભનોતનો ચહેરો સૂજી ગયો હતો. તેના શરીર વીંછીના ડંખના ઘણા નિશાન હતા. મીડિયા રિપોર્ટ્સ અનુસાર, શાલીનને 200 થી વધુ વીંછીએ ડંખ માર્યા છે. સેટ પર હાજર તબીબી નિષ્ણાતોએ તાત્કાલિક અસરથી શાલિનની સારવાર શરૂ કરી હતી. અભિનેતાએ સોશિયલ મીડિયા પર એક વીડિયો શેર કરીને તેના ઘા બતાવ્યા છે. શેર કરેલા વીડિયોમાં ફિલ્મ 'કલ હો ના હો'નું બેકગ્રાઉન્ડ મ્યુઝિક વાગી રહ્યું છે. આ વીડિયો સાથે અભિનેતાએ લખ્યું છે, 'તમારા બધા માટે કંઈ પણ'. વીડિયો સામે આવ્યા બાદ ચાહકો શાલીન ઝડપથી સાજા થાય તેવી શુભેચ્છા પાઠવી રહ્યા છે. આ દિવસોમાં લોકપ્રિય રિયાલિટી શો 'ખતરોં કે ખિલાડી 14'નું શૂટિંગ રોમાનિયામાં ચાલી રહ્યું છે. શાલીન ભનોત આ પહેલા રિયાલિટી શો 'બિગ બોસ 16'માં જોવા મળ્યો હતો. શો દરમિયાન જ રોહિત શેટ્ટીએ તેને 'ખતરોં કે ખિલાડી 14' ઓફર કરી હતી. શાલીન ભનોતે શરૂઆતમાં આ શોની ઓફર એમ કહીને નકારી કાઢી હતી કે, તે તેની ક્ષમતામાં નથી. બાદમાં, તેણે ઈન્ડિયન એક્સપ્રેસને આપેલા ઈન્ટરવ્યૂમાં કહ્યું કે તે રિયાલિટી શો પર નહીં પણ અભિનય કારકિર્દી પર વધુ ધ્યાન આપવા માગે છે. શાલીને એક ટીવી શો સાઈન કર્યો હતો, જો કે જ્યારે શો મુલતવી રાખવામાં આવ્યો ત્યારે અભિનેતાએ 'ખતરોં કે ખિલાડી 14' ની ઓફર સ્વીકારી હતી. 'બિગ બોસ' છોડ્યા બાદ શાલિન ભનોત એકતા કપૂરના ટીવી શો 'બેકાબૂ'માં જોવા મળ્યો હતો.

આ પ્રકારના તમામ સમાચાર માટેે App ડાઉનલોડ કરો.