એક્ટ્રેસ નૂરના મૃત્યુ અંગે પરિવારે મૌન તોડ્યું:કહ્યું, ‘માલાબિકા ફિલ્મ ઈન્ડસ્ટ્રીમાં પોતાના કરિયરથી ખુશ નહોતી, તે ડિપ્રેશનમાં પણ હતી’

વેબ સિરીઝ 'ધ ટ્રાયલ'માં કાજોલની કો-સ્ટાર રહેલી એક્ટ્રેસ નૂર માલાબિકા દાસ તાજેતરમાં મુંબઈમાં તેના એપાર્ટમેન્ટમાં મૃત હાલતમાં મળી આવી હતી. તેનો મૃતદેહ પંખા સાથે લટકતો મળી આવ્યો હતો. જે બાદ પોલીસે આત્મહત્યાની આશંકા વ્યક્ત કરી હતી. હવે તેના પરિવારે તેના મૃત્યુ અંગે મૌન તોડ્યું છે અને કહ્યું છે કે, માલાબિકા ડિપ્રેશનમાં હતી અને ફિલ્મ ઉદ્યોગમાં તેની કારકિર્દીથી ખુશ નહોતી. ટાઈમ્સ ઓફ ઈન્ડિયા સાથે વાત કરતા નૂરની કાકી આરતી દાસે કહ્યું કે, 'નૂર અભિનયની દુનિયામાં ઘણી અપેક્ષાઓ સાથે પ્રવેશી હતી. તે તેના મુકામ સુધી પહોંચવા માટે સખત મહેનત પણ કરી રહી હતી પરંતુ ક્યાંક ને ક્યાંક તે તેની સિદ્ધિઓથી ખુશ ન હતી. કદાચ આ કારણે જ તેણે આવું ભયંકર પગલું ભર્યું હોઈ શકે.' પરિવારે અંતિમ સંસ્કાર કર્યા ન હતા
6 જૂને નૂરની લાશ તેના લોખંડવાલા એપાર્ટમેન્ટમાંથી મળી આવી હતી. ફ્લેટમાંથી આવતી દુર્ગંધ અંગે તેના પાડોશીઓએ પોલીસને ફરિયાદ કરી હતી. આ પછી, પોલીસ ઘટનાસ્થળે પહોંચી અને તરત જ મૃતદેહને પોસ્ટમોર્ટમ માટે હોસ્પિટલ મોકલી આપ્યો હતો. આ સમય દરમિયાન, નૂરના પરિવારના સભ્યોનો સંપર્ક કરવામાં આવ્યો હતો પરંતુ કોઈ સંપર્ક થઈ શક્યો ન હતો, ત્યારબાદ પોલીસે એક NGOની મદદથી 9 જૂને તેના અંતિમ સંસ્કાર કર્યા હતા. AICWAએ તપાસની માગ કરી હતી
ઓલ ઈન્ડિયા સિને વર્કર્સ એસોસિએશને મહારાષ્ટ્રના મુખ્યમંત્રી એકનાથ શિંદેને પત્ર લખીને નૂરના મૃત્યુના કારણો શોધવા તપાસની માંગ કરી છે. AICWAએ તેના પત્રમાં વિનંતી કરી છે કે પોલીસે નૂરના મૃત્યુનું સત્ય બહાર લાવવા માટે તમામ પાસાઓની તપાસ કરવી જોઈએ. નૂર આસામનો રહેવાસી હતી
32 વર્ષની માલાબિકા આસામના કરીમગંજની રહેવાસી હતી. તેણે ઉલ્લુ એપ પર સ્ટ્રીમ થયેલી બોલ્ડ વેબ સીરિઝ જેવી કે 'સિસકિયાં', 'તિખી ચટની' અને 'ચરમસુખ'માં કામ કર્યું હતું. બે અઠવાડિયા પહેલા સુધી તેનો પરિવાર તેની સાથે મુંબઈમાં રહેતો હતો પરંતુ તે પછી તે ગામ પાછો ફર્યો હતો.

આ પ્રકારના તમામ સમાચાર માટેે App ડાઉનલોડ કરો.