ખાંડા હડમતીયાનું બસસ્ટેન્ડ બસસ્ટેન્ડ નહી પરંતુ ગૌશાળા બની ગયુ છે

જસદણના ધારાસભ્ય કુંવરજી બાવળીયાની સને-2022/23 ની ગ્રાન્ટમાંથી મુસાફરોની સુખાકારી માટે નવું બસસ્ટેન્ડ બનાવવામાં આવ્યું છે. આખલાઓ ના ત્રાસ ના કારણે મુસાફરો અહીં બસ સ્ટેન્ડ માં બેસવાની તો દૂરની વાત ઉભા પણ નહી રહી શકતા આથી પશુઓ અંદર અને મુસાફરો બહાર, એવો તાલ સર્જાયો છે. આ બસ સ્ટેન્ડને જોતા એવું લાગે કે જાણે આ ગૌશાળા જ હશે. આ બસ સ્ટેન્ડમાં હાલ એટલી ગંદગી છવાઈ ગઈ છે કે મુસાફરો બસ સ્ટેન્ડ મા ઉભા રહેવા પણ રાજી નથી તેના બદલે તડકામાં બહાર જ ઉભા રહી જાય છે. આથી જે તે જવાબદાર તંત્ર દ્વારા તાકીદે આ બસ સ્ટેન્ડની સાફ-સફાઈ કરાવી મુસાફરોને ઉભા રહેવા કે બેસવા માટેની યોગ્ય વ્યવસ્થા કરી આપવામાં આવે, પશુઓ અંદર ન આવી શકે તેવી જાળી મૂકવામાં આવે તેવી મુસાફરોની માંગ ઉઠવા પામી છે

આ પ્રકારના તમામ સમાચાર માટેે App ડાઉનલોડ કરો.