BJP IT-સેલના વડા માલવિયા પર જાતીય શોષણનો આરોપ:કોંગ્રેસે કહ્યું- 5 સ્ટાર હોટલમાં કરે છે ઉત્પીડન; BJP નેતાને 10 કરોડની માનહાનિની ​​નોટિસ

કોંગ્રેસ નેતા સુપ્રિયા શ્રીનેતે આજે એટલે કે, 10 જૂનના રોજ એક પ્રેસ કોન્ફરન્સ યોજી હતી. સુપ્રિયાએ કહ્યું કે, આરએસએસના સભ્ય શાંતનુ સિન્હા નામના વ્યક્તિએ અમિત પર મહિલાઓનું યૌન ઉત્પીડન કરવાનો આરોપ લગાવ્યો છે. શાંતનુના કહેવા પ્રમાણે, અમિત મહિલાઓને 5 સ્ટાર હોટલમાં લઈ જાય છે અને તેમનું શોષણ કરે છે. એટલું જ નહીં, અમિતે બંગાળમાં બીજેપી ઓફિસમાં મહિલાઓનું યૌન શોષણ પણ કર્યું હતું. શાંતનુ બંગાળમાં ભાજપના અધિકારી રાહુલ સિન્હાના સંબંધી છે. સુપ્રિયાએ આગળ કહ્યું હતું કે, અમે ભાજપ પાસેથી બંગાળમાં મહિલાઓ માટે ન્યાય માંગીએ છીએ. હાથરસ હોય, લખીમપુર હોય, આપણા સૌથી પ્રતિષ્ઠિત એથ્લેટ હોય કે બિલ્કીસ બાનો, વડાપ્રધાને ગુનેગારોને સતત રાજકીય રક્ષણ આપ્યું છે. હવે સમય આવી ગયો છે કે તમે મહિલાઓ સાથે ઉભા રહો. તમે ભારતની દીકરીઓની સાથે ઊભા છો અને જ્યાં સુધી તમે તેમની દુર્દશાનો જવાબ નહીં આપો ત્યાં સુધી તમને સત્તામાં રહેવાનો કોઈ અધિકાર નથી. આ પછી અમિત માલવિયાએ શાંતનુ સિન્હાને 10 કરોડ રૂપિયાની માનહાનિની ​​નોટિસ મોકલી છે. માલવિયાએ શાંતનુને બિનશરતી માફી માંગવા અને સોશિયલ મીડિયા પર તેમના વિશે લખેલી પોસ્ટ્સ દૂર કરવા પણ કહ્યું છે. ભાજપના નેતાઓ ગુનેગારોને બચાવી રહ્યા છે: સુપ્રિયા શ્રીનેત
સુપ્રિયાએ આગળ કહ્યું કે, જો તમને IIT-BHU ગેંગરેપ અને તેમાં સામેલ ત્રણ લોકો સક્ષમ પટેલ, કુણાલ પાંડેર અને આનંદ ચૌહાણ યાદ છે, તો બધા પીએમ મોદી સહિત ભાજપના મોટા નેતાઓની ખૂબ નજીક છે. આ એક પેટર્ન છે, પછી તે કુલદીપ સિંહ સેંગર, ચિન્મયાનંદ, બ્રિજ ભૂષણ કે અંકિતા ભંડારીના હત્યારા હોય, તે બધા નરેન્દ્ર મોદી દ્વારા સુરક્ષિત ભાજપના નેતાઓ છે. મોદી આ વખતે હારમાંથી કંઈક શીખશે: સુપ્રિયા
કોંગ્રેસ નેતાએ વધુમાં કહ્યું હતું કે, અમે માત્ર આશા રાખીએ છીએ કે વડાપ્રધાન 63 બેઠકો પર મળેલી હારમાંથી કંઈક પાઠ શીખશે. તેઓ નમ્રતા શીખશે અને તેઓ શીખશે કે તેઓ મહિલાઓનું શોષણ કરનારા લોકો સાથે ઊભા રહી શકતા નથી. અમે આશા રાખીએ છીએ કે મહિલા અને બાળ વિકાસ મંત્રાલયના નવા મંત્રી મહિલાઓની દુર્દશા માટે મૂક પ્રેક્ષક નહીં બને. અમે આશા રાખીએ છીએ કે NCW તેનો અવાજ, અંતરાત્મા અને નૈતિકતાને ઓળખશે. આ બાબત પર સ્વતઃ સંજ્ઞાન લેશે. આ માણસને તેની સત્તામાંથી દૂર કરવામાં આવે તો જ ન્યાય થઈ શકે.

આ પ્રકારના તમામ સમાચાર માટેે App ડાઉનલોડ કરો.