મલ્લિકાએ લગાવ્યો હતો આરોપ, ‘અશ્મિતે મારું ગળું દબાવ્યું’:જૂની ઘટના પર આખરે એક્ટરે મૌન તોડ્યું; કહ્યું, ‘કોઈ ભૂલ વગર માફી માગવાનું કહેવામાં આવ્યું હતું’

એક્ટર અશ્મિત પટેલે હાલમાં જ એક ચોંકાવનારો ખુલાસો કર્યો છે. તેમણે કહ્યું કે 'મર્ડર'ના શૂટિંગ દરમિયાન એક સીન ફિલ્માવતી વખતે મલ્લિકા શેરાવતે તેના પર ખોટો આરોપ લગાવ્યો હતો. મલ્લિકાએ આરોપ લગાવ્યો હતો કે અશ્મિતે એક સીનની આડમાં જાણીજોઈને તેનું ગળું દબાવવાનો પ્રયાસ કર્યો હતો. હવે અશ્મિતે આ ઘટના પર પોતાનું મૌન તોડ્યું છે. તેમણે કહ્યું કે મલ્લિકાએ તેમના પર ખોટા આરોપો લગાવ્યા છે. તેમને કોઈપણ ભૂલ વગર માફી માગવાનું પણ કહેવામાં આવ્યું હતું. પરંતુ તેમણે માફી ન માગી કારણ કે પાછળથી બધાએ કેમેરામાં સત્ય જોયું. જોકે, આ પછી પણ અશ્મિતે ખોટા આરોપનો ભોગ બનવું પડ્યું હતું. તેમને કોઈ મોટા પ્રમોશન માટે મોકલવામાં આવ્યો ન હતો. પરિણામે મલ્લિકાને ફિલ્મની સફળતાનો વધુ શ્રેય મળ્યો હતો. સિદ્ધાર્થ કાનનને આપેલા એક ઇન્ટરવ્યૂમાં અશ્મિત પટેલે ફિલ્મ 'મર્ડર'ના સેટની વાર્તાઓ શેર કરી હતી. તેણે કહ્યું- મેં ફિલ્મમાં મલ્લિકાના પતિનો રોલ કર્યો હતો. વાર્તા મુજબ મારા રોલ અને મલ્લિકા વચ્ચે હંમેશા અણબનાવ રહેતો હતો. સ્ક્રીન પર અમારા બોન્ડિંગમાં એ ટેન્શન દેખાતું હતું, એટલે જ હું રિયલ લાઈફમાં પણ મલ્લિકાથી દૂર રહેતો હતો. એક-બે વાર મલ્લિકાએ અસલી જીવનમાં અમારી વચ્ચેબધું બરાબર કરવાનો પ્રયત્ન કર્યો પણ મેં એવું થવા દીધું નહીં. હું નહોતો ઇચ્છતો કે આ સ્ક્રીન પર અસર કરે. તે આ વાત સમજી શકી નહીં. દિગ્દર્શક અનુરાગ બસુએ મને મલ્લિકાને આ વાત કહેવાનું કહ્યું ન હતું. પરિણામે અસલી જીવનમાં પણ અંતર વધ્યું. શું હતી સમગ્ર ઘટના?
અશ્મિતે વધુમાંકહ્યું- એક સીન હતો જેમાં મારે મલ્લિકાનું ગળું દબાવવું પડ્યું હતું. મેં એકવાર નસીરુદ્દીન શાહને પૂછ્યું હતું કે કેમેરામાં કોઈનું ગળું દબાવવાનો સાચો રસ્તો શું છે. તેમણે મને એક ટેકનિક શીખવી. મેં એ જ ટેકનિકથી તે શોટ આપ્યો હતો, પરંતુ મલ્લિકાએ તેને મુદ્દો બનાવી દીધો હતો. તેમણે કહ્યું કે મેં તેમનું ગળું દબાવી દીધું હતું. તેમણે આ અંગે નિર્માતા મહેશ ભટ્ટને પણ ફરિયાદ કરી હતી. ભટ્ટ સાહેબે મને માફી માગવા કહ્યું. ત્યારે મેં કહ્યું કે મેં એવું કંઈ કર્યું નથી. જો કોઈને વિશ્વાસ ન આવે તો તે કેમેરામાં જોઈ શકે છે. બધાએ તે શોટ કેમેરામાં જોયો, જે દર્શાવે છે કે મેં કંઈ ખોટું કર્યું નથી. 'મર્ડ'ર ફિલ્મ 2004માં રિલીઝ થઈ હતી. ફિલ્મમાં મલ્લિકા શેરાવત, ઈમરાન હાશ્મી અને અશ્મિત પટેલ જેવા કલાકારો જોવા મળ્યા હતા. 5 કરોડમાં બનેલી આ ફિલ્મે 21.13 કરોડનું કલેક્શન કર્યું હતું. ફિલ્મની સફળતા જોઈને તેની બે સિક્વલ 'મર્ડર 2' અને 'મર્ડર 3' પણ બનાવવામાં આવી હતી.

આ પ્રકારના તમામ સમાચાર માટેે App ડાઉનલોડ કરો.