ચૂંટણીમાં જનતાએ મજબૂત વિપક્ષને ચૂંટ્યો છે- રજનીકાંત:કહ્યું, ‘લોકશાહી માટે આ એક સારો સંકેત છે, નરેન્દ્ર મોદીને ત્રીજી વખત વડાપ્રધાન બનવા બદલ અભિનંદન’

નરેન્દ્ર મોદીએ ત્રીજી વખત વડાપ્રધાન તરીકે શપથ લીધા, શપથ ગ્રહણ સમારોહ દિલ્હીના રાષ્ટ્રપતિ ભવનમાં યોજાયો હતો, જેમાં દેશ-વિદેશની ઘણી મોટી હસ્તીઓ હાજરી આપી હતી. શપથ ગ્રહણ સમારોહમાં શાહરૂખ ખાન, અનુપમ ખેર, અક્ષય કુમાર, રાજકુમાર હિરાનીએ પણ હાજરી આપી હતી. રજનીકાંત પણ સમારોહનો ભાગ બન્યા હતા. કહ્યું- આ લોકશાહી માટે સ્વસ્થ સંકેતો છે
રજનીકાંત રવિવારે સવારે દિલ્હીથી ચેન્નાઈ જવા રવાના થયા હતા. રજનીકાંતને ચેન્નાઈ એરપોર્ટ પર પૂછવામાં આવ્યું કે જવાહરલાલ નેહરુ પછી ત્રીજી વખત વડાપ્રધાન તરીકે નરેન્દ્ર મોદીના શપથ લેવા અંગે તેમનું શું કહેવું છે. તેના પર રજનીકાંતે કહ્યું, 'આ એક ઐતિહાસિક ક્ષણ છે. હું નરેન્દ્ર મોદીને ત્રીજી વખત વડાપ્રધાન બનવા બદલ હૃદયપૂર્વક અભિનંદન આપું છું. રજનીકાંતે વધુમાં કહ્યું કે આ લોકસભા ચૂંટણીમાં જનતાએ મજબૂત વિપક્ષને ચૂંટ્યો છે, જે લોકશાહી માટે એક સ્વસ્થ સંકેત છે. થોડા દિવસ પહેલા જ રાજકારણના પ્રશ્ન પર સંપૂર્ણ મૌન સેવ્યું હતું.
રજનીકાંત તાજેતરમાં આધ્યાત્મિક યાત્રા પર નીકળ્યા છે. જ્યારે તેમને ચેન્નાઈ એરપોર્ટ પર ચૂંટણી અને વડાપ્રધાન નરેન્દ્ર મોદીને લગતો પ્રશ્ન પૂછવામાં આવ્યો તો તેમણે જવાબ આપવાનો સ્પષ્ટ ઈન્કાર કરી દીધો. તેમને પૂછવામાં આવ્યું કે શું નરેન્દ્ર મોદી આ લોકસભા ચૂંટણી જીતશે? આના પર તેણે કહ્યું હતું કે, 'કોઈ કોમેન્ટ નહીં, રાજનીતિ સાથે સંબંધિત કોઈ સવાલ ન પૂછો'. રજનીકાંતની ફિલ્મ 'વેટ્ટૈયાન' ઓક્ટોબરમાં રિલીઝ થશે
રજનીકાંત ટૂંક સમયમાં ફિલ્મ 'વેટ્ટૈયાન'માં જોવા મળવાના છે. આ ફિલ્મનું શૂટિંગ 14 મેના રોજ પૂરું થયું હતું. ફિલ્મનું શૂટિંગ જાન્યુઆરીમાં શરૂ થયું હતું. ફેબ્રુઆરીમાં ફિલ્મનું 80 ટકા શૂટિંગ પૂર્ણ થયું હતું. રાણા દગ્ગુબાતીએ માર્ચમાં હૈદરાબાદમાં તેના ભાગનું શૂટિંગ કર્યું હતું. આ તમિલ ફિલ્મમાં રજનીકાંતની સાથે અમિતાભ બચ્ચન, ફહાદ ફાઝીલ, રાણા દગ્ગુબાતી પણ જોવા મળશે. આ ફિલ્મ ઓક્ટોબર 2024માં રિલીઝ થશે.

આ પ્રકારના તમામ સમાચાર માટેે App ડાઉનલોડ કરો.