માઉથ પબ્લિસિટીના કારણે ‘મુંજ્યા’ની કમાણીમાં 75%નો વધારો:કુલ કલેક્શન 11.61 કરોડ, ‘મિસ્ટર એન્ડ મિસિસ માહી’નું કલેક્શન પણ વધ્યું

સુપરનેચરલ કોમેડી ફિલ્મ 'મુંજ્યા'ને માઉથ પબ્લિસિટીનો ઘણો ફાયદો મળી રહ્યો છે. ફિલ્મે બીજા દિવસે 7 કરોડ 40 લાખ રૂપિયાની કમાણી કરી હતી. આ સાથે તેની કમાણીમાં 75%નો ઉછાળો આવ્યો છે. ફિલ્મે ઓપનિંગ ડે પર 4 કરોડ 21 લાખ રૂપિયાની કમાણી કરી હતી. હવે બે દિવસમાં તેનું કુલ કલેક્શન 11 કરોડ 61 લાખ રૂપિયા સુધી પહોંચી ગયું છે. જ્યારે પ્રથમ દિવસે તેની ઓક્યુપન્સી 21.49% હતી, તે બીજા દિવસે વધુ સુધરીને 30.99% થઈ ગઈ. કોઈપણ સ્ટાર વગર સારી કમાણી કરતી ફિલ્મ
ખાસ વાત એ છે કે કોઈ મોટો સ્ટાર ન હોવા છતા, આ ફિલ્મે હાલની રિલીઝ થયેલી ઘણી ફિલ્મો કરતાં વધુ સારું ઓપનિંગ ડે કલેક્શન કર્યું છે. શર્વરી અને અભય વર્મા અભિનીત આ ફિલ્મ આદિત્ય સરપોદ્દાર દ્વારા નિર્દેશિત છે. અમર કૌશિક અને દિનેશ વિજને સંયુક્ત રીતે તેનું નિર્માણ કર્યું છે. 'સ્ત્રી', 'રૂહી' અને 'ભેડિયા' પછી મેડૉકની સુપરનેચરલ યુનિવર્સની આ ચોથી ફિલ્મ છે. 'મિસ્ટર એન્ડ મિસિસ માહી'ની કમાણીમાં વધારો
શનિવારે 'મિસ્ટર એન્ડ મિસિસ માહી'ની કમાણીમાં પણ વધારો થયો છે. પ્રથમ વીકમાં 24 કરોડ 89 લાખ રૂપિયાનું કલેક્શન કરનાર આ ફિલ્મે બીજા શુક્રવારે માત્ર 1 કરોડ 31 લાખ રૂપિયાનો બિઝનેસ કર્યો હતો. જોકે બીજા શનિવારે તેમણે વધુ સારું પ્રદર્શન કર્યું અને 2 કરોડ 22 લાખ રૂપિયાનું કલેક્શન કર્યું. હવે આ ફિલ્મનું કુલ કલેક્શન 28 કરોડ 42 લાખ રૂપિયા પર પહોંચી ગયું છે. આ ફિલ્મ ઝી સ્ટુડિયો અને કરન જોહર દ્વારા સંયુક્ત રીતે બનાવવામાં આવી છે. આ ફિલ્મનું દિગ્દર્શન શરણ શર્મા દ્વારા કરવામાં આવ્યું છે, જે અગાઉ જાહન્વી સાથે 'ગુંજન સક્સેના'માં કામ કરી ચૂક્યા છે. સાવીએ પહેલા અઠવાડિયામાં 13.25 કરોડ રૂપિયાની કમાણી કરી
'મિસ્ટર એન્ડ મિસિસ માહી'ની સાથે 31મી મેના રોજ રિલીઝ થયેલી 'સાવી'એ પહેલા અઠવાડિયામાં 13 કરોડ 25 લાખ રૂપિયાની કમાણી કરી હતી. આ ફિલ્મમાં દિવ્યા સિવાય અનિલ કપૂર અને હર્ષવર્ધન રાણે પણ લીડ રોલ જોવા મળશે. તેનું દિગ્દર્શન 'દિલ્હી બેલી' ફેમ ડિરેક્ટર અભિનય દેવે કર્યું છે.

આ પ્રકારના તમામ સમાચાર માટેે App ડાઉનલોડ કરો.