છત્રપતિ શિવાજી ટાઉનશીપમાંથી મહિલા સંચાલિત જુગાર ક્લબ ઝડપાઇ: 9 જુગારીઓ ઝબ્બે

રેલનગરમાં આવેલ છત્રપતી શિવાજી ટાઉનશીપમાં બંધબારણે ચાલતી જુગાર ક્લબમાં પ્ર.નગર પોલીસે દરોડો પાડી એક મહિલા સહિત 9 શખ્સોને ઝડપી પાડી રૂા.73400નો મુદામાલ કબ્જે કર્યો હતો.
દરોડાની વિગત મુજબ પ્ર.નગર પોલીસ મથકના પીઆઇ ભાર્ગવ જણકાંતની રાહબરીમાં પીએસઆઇ ડી.વી. ચુડાસમા સ્ટાફ સાથે પેટ્રોલીંગમાં હતા ત્યારે સાથેના કોન્સ. ચાપરાજ કવડ, હર્ષરાજસિંહ જાડેજા, જયેન્દ્રસિંહ પરમાર અને બ્રિન્દા ગોહેલને મળેલ ચોક્કસ બાતમીના આધારે રેલનગરમાં આવેલ છત્રપતી શિવાજી ટાઉનશીપમાં બ્લોક નં. એફ-202માં રહેતી ભક્તિ જયંતિલાલ રાજગોરના મકાનમાં ચાલતા જુગાર ધામમાં દરોડો પાડી પત્તા ટીંચતા ભક્તિ રાજગોર, વજુ રાયધન બકુતરા, અશોકસિંહ જાડેજા, શૈલેષગીરી ગોસાઇ, જિતેન્દ્રસિંહ સરવૈયા, કેશવજી ચાવડા, ભગવાન કરશન ચૌહાણ, નીતેશ નાનજી અકબરી અને ભરત મનસુખ અઘારાને દબોચી રોકડ અને બે મોબાઇલ મળી રૂા.73400નો મુદામાલ કબ્જે કર્યો હતો.

આ પ્રકારના તમામ સમાચાર માટેે App ડાઉનલોડ કરો.