ભાભરમાંથી સ્ટેટ મોનીટરીંગ સેલ ગાંધીનગર પોલીસે મોટું જુગારધામ ઝડપાયું..

ભાભરમાં છેલ્લા છેલ્લા કેટલાક સમયથી મોટું જુગારધામ ચાલતું હોવાની બાતમી સ્ટેટ મોનીટરીંગ સેલ ગાંધીનગર પોલીસને મળતાં શનિવારે બપોરે બાતમી હકીકત આધારે રેડ કરી હતી. ભાભર નવા વિસ્તારમાં લુદરીયા વાસ પાસે જુગારના અડ્ડા ઉપર રેડ કરી હતી. ભાભર માં ભૂપેન્દ્ર રાજુભાઇ વજીર રહે થરા તાલુકો કાંકરેજ, અને દુર્ગાસિંહ માધુભા વાઘેલા રહે થરા તાલુકો કાંકરેજ જિલ્લો બનાસકાંઠા નાઓ પોતાના અંગત ફાયદા માટે મળતીયા માણસો રાખી એકબીજા ની મદદથી ગંજીફા ના પતા પાનાં વડે અંદર બહાર નો જુગાર તથા આંક ફરકનો વરલી મટકાનો જુગાર રમવા ૩૦ માણસો ભેગા કરી જુગાર રમતા હોવાની પાકી બાતમી આધારે સ્ટેટ મોનીટરીંગ સેલ ગાંધીનગર પોલીસે રેડ કરી હતી દરમિયાન ૧૪ ઈસમો સ્થળ ઉપરથી ઝડપાઈ ગયા હતા. જ્યારે બે જુગાર રમાડતા ઈસમોને વોન્ટેડ છે અને ૯ જુગારીઓ પોલીસ જોઈને સ્થળ ઉપરથી ફરાર થઈ ગયા હતા. સ્થળ ઉપર થી કુલ રૂ.૧૩.૯૭ લાખનો મુદ્દામાલ કબજે કરી ભાભર પોલીસ મથકે ૨૫ સામે ગુન્હો નોંધી વધુ તપાસ હાથ ધરી છે ભાભરમાં સ્ટેટ મોનિટરીંગ સેલે રેડ કરતાં જુગારીયાઓ માં ચકચાર મચી જવા પામી હતી...

આ પ્રકારના તમામ સમાચાર માટેે App ડાઉનલોડ કરો.