આંબેડકરનગરના યુવાન પર ચાર શખ્સોનો હુમલો
શહેરનાં આજીવસાહત આંબેડકરનગરમાં રહેતાં રમેશ સોલંકી પર ચાર શખ્સોએ હુમલો કર્યો હતો. બાદ યુવકને સારવાર અર્થે રાજકોટ સિવિલ હોસ્પિટલમાં ખસેડાયો હતો.
બનાવની વિગત મુજબ રમેશ પુંજાભાઈ સોલંકી (ઉ.વ.30, રહે. આજીવસાહત 80 ફુટ રોડ આંબેડકરનગર) ગઈ કાલ રાત્રીના દસેક વાગ્યાની આસપાસ તેઓ પોતાનાં ઘર પાસે હતાં ત્યારે ભનુભાઈ વાળા અને તેનાં બન્ને પુત્ર તેમજ મુકેશ મકવાણાએ કોઈ કારણોસર ઝઘડો કરી રમેશને માર માર્યો હતો.
બાદ ઈજાગ્રસ્ત હાલતમાં યુવકને રાજકોટ સિવિલ હોસ્પિટલમાં ખસેડવામાં આવ્યો હતો.રમેશે જણાવ્યુ કે તેઓ બધા દારુ પીને આવ્યા હતા. અને ઝઘડો કરી છરી વડે હુમલો કર્યો હતો. તેઓ ત્રણ ભાઈમાં સૌથી નાનાં છે. કડીયાકામ કરી પરિવારનું ગુજરાન ચલાવે છે. બનાવ અંગે સિવિલ ચોકીના સ્ટાફે થોરાળા પોલીસને જાણ કરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.