ઇલોન મસ્ક ફરીથી વિશ્વના સૌથી અમીર બિઝનેસમેન:ટોપ ટેનમાં ભારતના કોઈ અબજપતિ સામેલ નહીં, મુકેશ અંબાણી 11માં નંબરે અને ગૌતમ અદાણી 18મા નંબરે

સ્પેસએક્સ અને ટેસ્લાના માલિક ઈલોન મસ્ક ફરી એકવાર વિશ્વના સૌથી અમીર બિઝનેસમેન બની ગયા છે. તેઓ ફ્રેન્ચ અબજોપતિ અને લૂઈ વીતો મોએટ હેનેસી (LVMH)ના સીઈઓ બર્નાર્ડ અર્નોલ્ટ અને એમેઝોનના સ્થાપક જેફ બેઝોસને પાછળ ધકેલીને પ્રથમ નંબરે પહોંચી ગયા છે. આર્ટિફિશિયલ ઇન્ટેલિજન્સ સ્ટાર્ટઅપ x.AIને કારણે મસ્કની સંપત્તિ વધી છે, જેણે $18 બિલિયન (રૂ. 1.50 લાખ કરોડ)ના પ્રી-મની વેલ્યુએશન પર $6 બિલિયન (રૂ. 50 હજાર કરોડ) મેળવ્યા છે. ઈલોન મસ્કે 9 માર્ચ, 2023ના રોજ આ AI કંપની બનાવી હતી. બર્નાર્ડ અર્નોલ્ટ પ્રથમ સ્થાનેથી ત્રીજા સ્થાને સરક્યા
ફોર્બ્સની રિયલ ટાઈમ બિલિયોનેર્સ લિસ્ટ મુજબ, ઈલોન મસ્કની નેટવર્થ $209.7 બિલિયન (આશરે રૂ. 17.48 લાખ કરોડ) છે, જ્યારે બર્નાર્ડ અર્નોલ્ટની નેટવર્થ હવે $200.7 બિલિયન (આશરે રૂ. 16.61 લાખ કરોડ) છે. 4 મહિના સુધી નંબર વન પર ચાલી રહેલા અર્નોલ્ટ હવે ત્રીજા નંબર પર આવી ગયા છે. જ્યારે, જેફ બેઝોસ લગભગ રૂ. 16.73 લાખ કરોડની સંપત્તિ સાથે બીજા સ્થાને છે. ભારતનો કોઈ અબજપતિ ટોપ ટેનમાં નથી
આ યાદીમાં ટોપ ટેનમાં ભારતનો કોઈ અબજપતિ સામેલ નથી. રિલાયન્સ ઇન્ડસ્ટ્રીઝના ચેરમેન મુકેશ અંબાણી $113.5 બિલિયન (લગભગ રૂ. 9.46 લાખ કરોડ)ની નેટવર્થ સાથે 11મા સ્થાને છે. જ્યારે ગૌતમ અદાણી આ યાદીમાં 18મા નંબરે છે. તેમની કુલ સંપત્તિ 86.3 અબજ ડોલર (રૂ. 7.19 લાખ કરોડ) છે. LVMH શેર એક મહિનામાં 6% થી વધુ ઘટ્યા
મસ્કની કંપની ટેસ્લાના સ્ટોકમાં આ વર્ષે અત્યાર સુધીમાં 28% થી વધુનો ઘટાડો જોવા મળ્યો છે. 1 જાન્યુઆરીએ તે $248.42 પર હતા, જે હવે ઘટીને $177.03 (મે 29) પર આવી ગયા છે. પરંતુ, બર્નાર્ડની કંપની LVMHના શેરમાં અચાનક ઘટાડો થવાથી મસ્કને ફાયદો થયો. LVMH શેર્સમાં આ મહિને 6% થી વધુનો ઘટાડો જોવા મળ્યો છે. બર્નાર્ડ અર્નોલ્ટ કોણ છે?
બર્નાર્ડ અર્નોલ્ટને આધુનિક લક્ઝરી ફેશન ઉદ્યોગના ગોડફાધર માનવામાં આવે છે. તેઓ વિશ્વના સૌથી મોટા ફેશન જૂથ લુઈસ વીટન મોએટ હેનેસીના સ્થાપક, અધ્યક્ષ અને સૌથી મોટા શેરહોલ્ડર છે. માર્કેટ કેપની દૃષ્ટિએ બર્નાર્ડનું જૂથ તેના નજીકના હરીફ કેરિંગ કરતાં લગભગ ચાર ગણું મોટું છે. LVMH પાસે 60 પેટાકંપનીઓની 75 લક્ઝરી બ્રાન્ડ્સ છે.

આ પ્રકારના તમામ સમાચાર માટેે App ડાઉનલોડ કરો.