મોદીએ કહ્યું- ઓડિશાના CMની બગડતી તબિયત ષડયંત્ર તો નથી:તપાસ કરાવીશું; મંત્રી પાંડિયને પટનાયકનો ધ્રૂજતો હાથ છુપાવ્યો હતો, VIDEO વાઇરલ

વડાપ્રધાન નરેન્દ્ર મોદીએ 77 વર્ષીય ઓડિશાના મુખ્યમંત્રી નવીન પટનાયકની ખરાબ તબિયત અંગે ચિંતા વ્યક્ત કરી છે. તેમણે પૂછ્યું કે શું તેમની બગડતી તબિયત પાછળ કોઈ ષડયંત્ર છે? જો ઓડિશામાં ભાજપની સરકાર બનશે તો અમે નવીન બાબુની ખરાબ તબિયતનું કારણ જાણવા માટે એક કમિટી બનાવીશું. બુધવારે, 28 મેના રોજ મોદીએ ઓડિશાના મયુરભંજ જિલ્લામાં એક જાહેર સભામાં કહ્યું કે કેવી રીતે નવીન બાબુની તબિયત છેલ્લા એક વર્ષમાં આટલી બગડી ગઈ. વર્ષોથી તેમની નજીક રહેલા લોકો મને મળે છે ત્યારે તેમના સ્વાસ્થ્ય વિશે વાત કરે છે. તે કહે છે કે નવીન બાબુ હવે પોતાની મેળે કંઈ કરી શકતા નથી. શું તેમની બગડતી તબિયત પાછળ કોઈ ષડયંત્ર છે? મોદીએ આવું કેમ કહ્યું, ભાજપ શા માટે આ મુદ્દો ઉઠાવી રહ્યું છે
તેનું કારણ પૂર્વ IAS અધિકારી અને બીજુ જનતા દળના નેતા વીકે પાંડિયન છે. આરોપ છે કે હાલ તેઓ સરકાર ચલાવી રહ્યા છે અને સરકાર સાથે જોડાયેલા નિર્ણયો લઈ રહ્યા છે. 28 મેના રોજ જ્યારે નવીન પટનાયકનો એક વીડિયો સામે આવ્યો ત્યારે આ મામલાને વધુ વેગ મળ્યો. જેમાં તેઓ મંચ પરથી ભાષણ આપી રહ્યા હતા. પાંડિયન તેમની બાજુમાં માઈક પકડીને ઉભા હતા. આ દરમિયાન કંઈક એવું બન્યું જેણે બધાનું ધ્યાન ખેંચ્યું. ઓડિશાના સીએમએ પોડિયમ પર પોતાનો એક હાથ મૂક્યો હતો, જે જોરથી ધ્રૂજી રહ્યો હતો. પાંડિયનની નજર ત્યાં જતાં જ તેમણે સીએમ પટનાયકનો હાથ પકડીને સંતાડી દીધો. ભાજપ ઓડિશાના રાજકારણમાં પાંડિયનને 'આઉટસાઇડર' ગણાવે છે
તમિલનાડુમાં જન્મેલા વીકે પાંડિયનને ભાજપે ઓડિશાના રાજકારણમાં 'આઉટસાઈડર' કહ્યા છે. પાંડિયનનો અભ્યાસ દિલ્હીમાં થયો હતો. તેમણે પંજાબ કેડરના IAS અધિકારી તરીકે કારકિર્દીની શરૂઆત કરી હતી. જો કે, પાંડિયનને પાછળથી ઓડિયા મહિલા સાથે લગ્ન કરી ઓડિશા કેડરમાં બદલી કરાવી લીધી હતી. પોતાના ભાષણમાં પાંડિયન પર નિશાન સાધતા મોદીએ કહ્યું કે સમગ્ર ઓડિશા ઈચ્છે કે રાજ્યના સીએમ ઓડિયા બને. રાજ્યની જનતાએ 25 વર્ષથી શાસન કરી રહેલી BJD સરકાર પર પૂર્ણવિરામ મુકવાનો નિર્ણય કર્યો છે. શાહે કહ્યું- પડદા પાછળથી સરકાર ચલાવી રહ્યા છે તમિલ બાબુ પાંડિયન પંજાબ કેડરના 2000 બેચના IAS અધિકારી છે વીકે પાંડિયન ઓડિશા સરકારના મોટા પ્રોજેક્ટ્સ સંભાળતા હતા
પાંડિયને ઓડિશા સરકારના શ્રી જગન્નાથ હેરિટેજ કોરિડોર, શ્રીમંદિર પરિક્રમા પ્રોજેક્ટ જેવા મેગા પ્રોજેક્ટ્સમાં પણ મોટી ભૂમિકા ભજવી હતી, જેનું આ વર્ષે ઉદ્ઘાટન થયું હતું. મુખ્યમંત્રી નવીન પટનાયકે 17 જાન્યુઆરીએ જગન્નાથ મંદિરના ગજપતિ દિવ્યસિંહ દેવ સાથે આ કોરિડોરનું ઉદ્ઘાટન કર્યું હતું. શ્રી જગન્નાથ હેરિટેજ કોરિડોર પ્રોજેક્ટ હેઠળ, જગન્નાથ મંદિરની બહારની દિવાલની ફરતે 75 મીટરનો કોરિડોર બનાવવામાં આવ્યો છે. શ્રીમંદિરની સાથે, પાંડિયને રાજ્યમાં પ્રાચીન અને પ્રતિષ્ઠિત મંદિરોના જીર્ણોદ્ધાર અને પુનઃસ્થાપનની ઓડિશા સરકારની પહેલનું પણ નિરીક્ષણ કર્યું હતું. ઓડિશામાં મો સરકારના જનક છે પાંડિયન વીકે પાંડિયન ઓડિશામાં 'મો સરકાર' લોન્ચ કરવા માટે પણ જાણીતા છે. આ પહેલ 2 ઓક્ટોબર 2019ના રોજ રાજ્યના તમામ પોલીસ સ્ટેશનો તેમજ 21 જિલ્લા મુખ્ય મથક હોસ્પિટલો અને મેડિકલ કોલેજોમાં શરૂ કરવામાં આવી હતી. તેનો હેતુ સરકારી કચેરીઓમાં આવતા લોકોને માનભેર મદદ કરવાનો છે.

આ પ્રકારના તમામ સમાચાર માટેે App ડાઉનલોડ કરો.