દરિયામાં ચક્રવાત ‘રેમલ’નું ડરાવનારું સ્વરૂપ:વીજળીના થાંભલા-ઝાડ… બધું સાફ, પાણીમાં મકાનો તણાયા; 135 Kmphની સ્પીડે ચક્રવાત બંગાળમાં લેન્ડફોલ
રેમલ વાવાઝોડાએ પશ્ચિમ બંગાળના તટીય વિસ્તાર કેનિંગમાં લેન્ડફોલ કર્યું છે. પશ્ચિમ બંગાળના સાગર દ્વીપ અને બાંગ્લાદેશના ખેપુપારા વચ્ચે પવન 135 કિમી પ્રતિ કલાકની ઝડપે પહોંચ્યો હતો. તેમજ ભારે વરસાદ પડ્યો હતો. વાવાઝોડાએ પશ્ચિમ બંગાળના દરિયાકાંઠાના વિસ્તારોમાં ભારે તબાહી મચાવી છે. અનેક વિસ્તારોમાં વૃક્ષો ધરાશાયી થયા, મકાનો ધરાશાયી થયા, વીજ થાંભલાઓ પણ ધરાશાયી થયા. તેમજ સુંદરવનના ગોસાબા વિસ્તારમાં કાટમાળ નીચે દબાઈ જતાં એક વ્યક્તિ ઘાયલ થયો હતો. તેણે રવિવારે રાત્રે 8.30 વાગ્યે બાંગ્લાદેશમાં મોંગલાની દક્ષિણ-પશ્ચિમ નજીક સાગર દ્વીપ (પશ્ચિમ બંગાળ) અને ખેપુપારા (બાંગ્લાદેશ) વચ્ચે પશ્ચિમ બંગાળ અને બાંગ્લાદેશના નજીકના દરિયાકિનારા પર લેન્ડફોલ કરવાનું શરૂ કર્યું. જે 4 કલાકથી વધુ સમય સુધી ચાલુ રહ્યું હતું. તોફાન આવતા પહેલાં બંગાળના દરિયાકાંઠાના વિસ્તારોમાંથી લગભગ 1.10 લાખ લોકોને સુરક્ષિત સ્થળોએ આશ્રયસ્થાનોમાં મોકલવામાં આવ્યા હતા. આમાં મોટાભાગના લોકો દક્ષિણ 24 પરગણા જિલ્લાના છે. રાજ્ય ડિઝાસ્ટર મેનેજમેન્ટ અને એનડીઆરએફની 16 ટીમ દરિયાકાંઠાના વિસ્તારોમાં તૈનાત છે. તે જ સમયે, વાવાઝોડાને કારણે, કોલકાતા, ઉત્તર 24 પરગણા સહિત પશ્ચિમ બંગાળના અન્ય શહેરોમાં ભારે વરસાદ અને તોફાન થયું હતું. જેના કારણે અનેક વિસ્તારોમાં વૃક્ષો ધરાશાયી થઈ ગયા હતા, જેના કારણે રસ્તો બ્લોક થઈ ગયો હતો. બચાવ કાર્યમાં તૈનાત મ્યુનિસિપલ ટીમ, પોલીસ, એનડીઆરએફની ડિઝાસ્ટર મેનેજમેન્ટ ટીમે તાત્કાલિક વૃક્ષો કાપીને રસ્તો સાફ કરાવ્યો હતો. કોલકાતાને અડીને આવેલા નીચાણવાળા વિસ્તારોમાં રસ્તાઓ અને ઘરોમાં પાણી ભરાઈ ગયા હતા.
આ પ્રકારના તમામ સમાચાર માટેે
App ડાઉનલોડ કરો.