જસદણમા સૌપ્રથમવાર અવતાર ચેરીટેબલ ટ્રસ્ટ દ્વારા જીવદયા ક્ષેત્રે કીડિયારું માટેનો ભવ્ય કાર્યક્રમ યોજાયો

સમગ્ર ગુજરાતમાં હજી સુધી ક્યારે ન થયો હોય તેવો અનોખો અને અદ્વિતીય જીવદયા ક્ષેત્રે કીડીયારું માટેના કાર્યક્રમનું ભવ્ય આયોજન જસદણમાં અવતાર ચેરીટેબલ ટ્રસ્ટ દ્વારા કરવામાં આવ્યું. તારીખ 07/04/2024, રવિવારના રોજ આર.કે.વાટીકા, રામ સેલ્સની પાછળ, આટકોટ રોડ,જસદણ ખાતે 4000 થી પણ વધુ સૂકા નાળીયેરમાં ઘઉંનું ભડકું, ચોખાની કટકી, તલ, ગોળ વગેરે જેવી વસ્તુઓ ભરવા માટેનો જાહેર કાર્યક્રમ યોજવામાં આવેલ. જેમાં લોકો ખૂબ જ મોટી સંખ્યામાં જોડાઈને સહભાગી બન્યા હતા. તેમજ સ્થળ પરથી કીડીઓને મુકવા માટે કીડિયારું ભરેલ 2000 થી પણ વધુ નાળિયેરનું વિનામૂલ્યે વિતરણ કરવામાં આવેલ. આ તકે ટ્રસ્ટ દ્વારા સૌ સેવાભાવીઓને જણાવવામાં આવે છે કે એપ્રિલ-મે મહિનાના દર રવિવારે ડુંગરાળ વિસ્તારમાં દર વર્ષની જેમ કીડિયારું ભરેલ નાળિયેર મુકવા જવાનું આયોજન છે. તો જીવદયાના આ સેવાકાર્યમા જોડાવા માટે ટ્રસ્ટનો મો.97373 91115 નંબર પર સંપર્ક કરવા યાદીમાં જણાવવામાં આવેલ છે.

આ પ્રકારના તમામ સમાચાર માટેે App ડાઉનલોડ કરો.