આટકોટના બળધોઇ પાસે કાર હડફેટે પાંચવડા ગામના બાળક હર્ષ ટાઢાણીનું મોત
આટકોટના બળધોઇ પાસે કાર હડફેટે પાંચવડા ગામના બાળક હર્ષ ટાઢાણીનું મોત
બળધોઇ ડુંગર ઉપર ચાલી રહેલા પાટોત્સવમાં પરિવાર સાથે ગયો'તો ને અકસ્માત નડયો : પાંચવડા ગામમાં શોકનું મોજુ
રાજકોટ ભાવનગર હાઇવે પર બળધોઇ ડુંગર પાસેથી પસાર થતી કારના ચાલક પાંચવડા ગામના આઠ વર્ષના બાળકને ઠોકરે લેતા તેનું મોત નીપજતા અરેરાટી વ્યાપી ગઇ છે. મળતી વિગતો મુજબ ભાવનગર હાઇવે પર આવેલા બળધોઇ ડુંગર પાસે પુરઘાટ ધસી આવેલી કારના ચાલકે ઠોકરે લેતા હર્ષ દીનેશભાઇ ટાઢાણી રહે. પાંચવડા ગામને ગંભીર ઇજા થતા મોત નિપજપા અરેરાટી વ્યાપી ગઇ હતી. હર્ષ તેના પરિવાર સાથે બળધોઇ ડુંગર પર ચાલી રહેલા ખોડિયાર માતાના પાટોત્સવમાં ભાગ લેવા આવ્યો હતો અને આ અકસ્માત સર્જાયો હતો. જસદણના બળધોય ડુંગર નજીક અકસ્માત સર્જાયો હતો. હર્ષ ધોરણ ૩માં અભ્યાસ કરતો હતો અને દીનેશભાઈના બે સંતાન છે જેમાં એક મોતી દીકરી અને આ નાનો દીકરો હતો. બનાવના પગલે પાંચવડા ગામમાં સોપો પડી ગયો હતો. અકસ્માત બાદ હર્ષને સિવિલમાં ખસેડાયો હતો અને ત્યાંથી પીએમ માટે મળતદેહને લઇ જવામાં આવ્યો હતો. વધુ તપાસ આટકોટ પોલીસ ચલાવી રહી છે.
આ પ્રકારના તમામ સમાચાર માટેે
App ડાઉનલોડ કરો.