વિંછીયા પાસે બાઇક ઉભુ રખાવી ગોરધનભાઇ પર બે શખ્સોનો હુમલો
વૃધ્ધની વિંછીયા પોલીસમાં બે અજાણ્યા શખ્સો સામે ફરીયાદ
વિંછીયામાં કોટડા જવાના રસ્તે બાઇક જઇ રહેલા વૃધ્ધને આંતરી બે અજાણ્યા શખ્સોએ પાઇપ વડે હુમલો કરતા ફરીયાદ થઇ છે.
મળતી વિગત મુજબ વિંછીયાના કોટડા ગામમાં રહેતા ગોરધનભાઇ કરશનભાઇ ગોહેલ (ઉ.વ.૬ર) ગઇકાલે પોતાનું બાઇક લઇને વિંછીયાથી કોટડા રોડ પર જતા હતા ત્યારે મેરામભાઇ રાજપરાની વાડી પાસે બે અજાણ્યા શખ્સોએ આવી વૃધ્ધને આંતરી ઝઘડો કરી પાઇપ અને ધોકા વડે હુમલો કરતા વૃધ્ધને બંને હાથ તથા પગમાં ફ્રેકચર જેવી ઇજા થઇ હતી બાદ વૃધ્ધને સારવાર માટે હોસ્પીટલે ખસેડાયા હતા. આ અંગે ગોરધનભાઇએ વિંછીયા પોલીસમાં ફરીયાદ નોંધાવતા એએસઆઇ જેઠાભાઇએ તપાસ હાથ ધરી છે.
આ પ્રકારના તમામ સમાચાર માટેે
App ડાઉનલોડ કરો.