દૂધના ધંધાર્થી સાથે રૂ. 28 લાખની છેતરપિંડી
કેરલમાં સોનાની ફેક્ટરી છે તેમાં રોકાણ માટે નાણાંની જરૂરિયાત છે કહી સોની પિતા-પુત્રનું કારસ્તાન.
શહેરના વિવેકાનંદનગરમાં રહેતા દૂધના ધંધાર્થી યુવકને પોતાની જાળમાં ફસાવી સોનાના વેપારી પિતા-પુત્રે રૂ.28 લાખની છેતરપિંડી આચરી હતી, પોલીસે ગુનો નોંધી આરોપીની શોધખોળ શરૂ કરી હતી. કોઠારિયા રોડ પરના વિવેકાનંદનગરમાં રહેતા અને દૂધનો વેપાર કરતા ઘનશ્યામ ભરતભાઇ મહેતા (ઉ.વ.29)એ ભક્તિનગર પોલીસ સ્ટેશનમાં નોંધાવેલી ફરિયાદમાં આરોપી તરીકે મોરબી રોડ પર સેટેલાઇટ ચોકમાં આવેલા પંચવટી પાર્કમાં રહેતા અને પેલેસ રોડ પર એ.યુ.જ્વેલર્સ નામે પેઢી ધરાવતા નિરજ અમર પરમાર અ્ને તેના પિતા અમર ભીમજી પરમારના નામ આપ્યા હતા. ઘનશ્યામ મહેતાએ ફરિયાદમાં જણાવ્યું હતું કે, પોતે દૂધનો વેપાર કરે છે અને તેનો મોટોભાઇ આશિષ સોનીકામ કરે છે, આશિષનો મિત્ર નિરજ પરમાર ઘરે આવતો જતો હોય તેની સાથે પરિચય હતો.
આ પ્રકારના તમામ સમાચાર માટેે
App ડાઉનલોડ કરો.