જસદણમાં લુહાર સુથાર સમાજ દ્વારા વિશ્વકર્મા દાદા મૂર્તિ પુજા પ્રતિષ્ઠા મહોત્સવ

હુસામુદ્દીન કપાસી દ્વારા જસદણ
જસદણમાં લુહાર સુથાર સમાજ દ્વારા આટકોટરોડ વડલાવાડી વિસ્તારમાં સૃષ્ટિના રચિયતા ભગવાન શ્રી વિશ્વકર્માદાદાનું એક ભવ્ય મંદીર બનાવતાં આ પંથકના લુહાર સુથાર સમાજના હજજારો ભાઈ બહેનોમાં હાલ આનંદનું વાતાવરણ છવાયું છે જસદણના ઈતિહાસમાં પ્રથમવાર શ્રી વિશ્વકર્માદાદા ના મંદિરમાં લુહાર સુથાર સમાજ દ્વારા ભવ્ય મૂર્તિનો પુજા અને પ્રતિષ્ઠા મહોત્સવ પ્રસંગે નાના થી મોટેરા સુધીના લોકો કામે વળગી તડામાર તૈયારીઓને આખરી ઓપ આપી દિધો છે આ પુજા અને પ્રતિષ્ઠા મહોત્સવ અંતર્ગત પૂર્વે વિશ્વકર્માદાદાની એક રથયાત્રા નીકળશે જેમાં લુહાર સુથાર સમાજના લોકો બહોળી સંખ્યામા જોડાય વિશ્વકર્માદાદા પ્રત્યે પોતાની આસ્થા વ્યકત કરશે રથયાત્રા પૂર્વે રાત્રિના ઉધોગપતિ વિજયભાઈ રાઠોડના કારખાનાંમાં સમાજના યુવાનોએ વાહનો પર ભારે શણગાર કર્યોં હતો તા. ૨૨ ને ગુરૂવારે વહેલી સવારથી મૂર્તિ પુજા પ્રતિષ્ઠા મહોત્સવ અંગે વિવિધ ધાર્મિક કાર્યક્રમોનું આયોજન હાથ ધરવામાં આવ્યું છે જે અંગે લુહાર સુથાર સમાજના લોકોએ તડામાર તૈયારીઓ આદરી છે.

આ પ્રકારના તમામ સમાચાર માટેે App ડાઉનલોડ કરો.