રીબડા રકતદાન કેમ્પમાં આંતરરાષ્ટ્રીય હિન્દુ પરિષદ રાષ્ટ્રીય બજરંગદળના આગેવાનો

હુસામુદ્દીન કપાસી દ્વારા જસદણ
ગોંડલના રીબડા ખાતે પુર્વ ધારાસભ્ય અને દાનવીર મહીપતસિંહ બાપુ જાડેજાની પ્રથમ પુણ્યતિથિ નિમિતે તેમનાં પરિવારજનોએ થેલેસિમિયા અને વિવિધ ગંભીર પ્રકારના દર્દોથી પીડાતા દર્દીઓ માટે ગત ગુરૂવારના રોજ એક મહા રકતદાન કેમ્પનું આયોજન કરેલ હતું જેમાં આંતરરાષ્ટ્રિય હિન્દુ પરિષદ બજરંગદળના પ્રાંત સંગઠન મંત્રી નિર્મલસિંહ ખુમાણ અને આગેવાનો વનરાજસિંહ ખેર, દીપકભાઈ વાઘેલા, નાગરાજસિંહ વાળા સહિતના આગેવાનો રીબડા ગામે રકતદાન કેમ્પમાં આવી સ્વ મહીપતસિંહજી બાપુને પુષ્પાંજલી અર્પણ કરી હતી અને તેમના પરિવારજનોને મળી તેમનાં આ સદ્દકાર્યની સરાહના વ્યકત કરી હતી અત્રે નોંધનીય છે કે આ કૅમ્પમાં સૌરાષ્ટ્રભરમાંથી જુદાં જુદાં સેવાકાર્યમાં જોડાયેલ લોકોએ આવી રક્તનો દરિયો વહેડાવ્યો હતો કેમ્પમાં કુલ મળી ૩૪૭૦ લોકોએ રક્તદાન કર્યું હતું ઉલ્લેખનીય છે રીબડાના દાનવીર સ્વ મહીપતસિંહજી બાપુ પારકાની પીડા દુર કરવા વાળા હતાં તેમનો આ વારસો તેમનાં સુપુત્રો પૌત્રોએ જાળવી રાખી હાલમાં પણ જરૂરિયાતમંદોને મદદરૂપ બની રહ્યાં છે.

આ પ્રકારના તમામ સમાચાર માટેે App ડાઉનલોડ કરો.