જસદણ ડાયમંડ માર્કેટના સભ્યનું અકસ્માતે અવસાન થતા પરિવારજનોને ર૦ લાખનો ચેક અર્પણ
જસદણ ડાયમંડ માર્કેટના સભ્યનું અકસ્માતે અવસાન થતા પરિવારજનોને ર૦ લાખનો ચેક અર્પણ
એસોસીએશન દ્વારા લેવામાં આવતા ગ્રુપ વિમા પોલીસી પરિવારજનોને દુઃખમાં આશ્વાસનરૂપ બનીઃ એશો.નું સરાહનીય પગલાની પ્રશંસા
જસદણ ડાયમંડ માર્કેટ એસો. ના સભ્યનું અકસ્માતે અવસાન થતા એસો. વતી લેવામાં આવતી ર૦ લાખની પોલીસીનો ચેક મૃતકના પરિવારજનોને આપવામાં આવતા પરિવારને મોભી ગુમાવ્યાનું દુઃખ હતું પરંતુ ચેક આવતા થોડો આનંદ થયો હતો.જસદણ ડાયમંડ એસો. નાં પ્રમુખ અને જીલ્લા પંચાયતનાં બાંધકામ સમિતિના પૂર્વ ચેરમેન ભીખાભાઇ રોકડ અને બીજા સભ્યોના હસ્તે મરણ જનાર શૈલેષભાઇ કીરીટભાઇ રાઠોડના પરીવારજનોને ર૦ લાખ રૂપિયાનો ચેક આપવામાં આવ્યો હતો.
ઉલ્લેખનીય છે કે જસદણની શ્રી સરદાર પટેલ ડાયમંડ માર્કેટ ખાતે કામ કરતા વેપારી અને દલાલ ભાઇઓનો એસો. ના પ્રમુખ ભીખાભાઇ રોકડ અને તેમની ટીમના સભ્યો દ્વારા બધાનો ગ્રુપ વિમો વર્ષોથી લેવામાં આવે છે. ગત તા. ૮-૧૧ ના રોજ શૈલેષભાઇ કીરીટભાઇ રાઠોડનું અકસ્માતે મૃત્યુ થયુ હતું જેના ભાગરૂપે તેમને ર૦ લાખ રૂપિયાનો વિમા કંપની દ્વારા ચેક આવતા તેમના પરિવારજનોને તાજેતરમાં આપવામાં આવ્યો હતો. ડાયમંડ એસો. ના પ્રમુખ ભીખાભાઇ રોકડ અને બીજા સભાસદોના આ કાર્યની મરણ જનાર શૈલેષભાઇના પરિવારજનોએ સરાહના કરી આભાર માન્યો હતો.
આ પ્રકારના તમામ સમાચાર માટેે
App ડાઉનલોડ કરો.