રીક્ષા ધીમે ચલાવવાનું કહેતા યુવાન પર સુરજ ચૌહાણનો હુમલો

આંબેડકરનગર વિસ્તારમાં રીક્ષા ધીમે ચલાવવાનું કહેતા યુવાન પર સુરજ ચૌંહાણ નામના શખ્સે હુમલો કરી જાનથી મારી નાખવાની ધમકી આપતા માલવીયાનગર પોલીસ સ્ટેશને ફરીયાદ નોંધાઈ હતી. બનાવ અંગે આંબેડકરનગર-16માં રહેતા સિધ્ધાર્થ અજયભાઈ બાટા (ઉ.28)એ નોંધાવેલ ફરીયાદમાં આરોપી તરીકે સુરજ અનીલ ચૌહાણનું નામ આપી જણાવ્યું હતું કે તેઓ મેટોડા જીઆઈડીસીમાં કોમ્પ્યુટર ઓપરેટર તરીકે નોકરી કરે છે. ગઈકાલે સાંજના સાતેક વાગ્યાની આસપાસ ઘરની બહાર બેઠો હતો
ત્યારે શેરીમાં અગાઉ રહેતો સુરજ ચૌહાણ તેની રીક્ષા નં.જીજે 3 બીયુ 8944 લઈને પુરપાટ ઝડપે ધસી આવેલ અને નજીકમાં આવેલ કારખાનામાં અથડાવેલ હતી. જે બાબતે તેમને રીક્ષા ધીમી ચલાવવાનું કહેતા તે ઉશ્કેરાઈ ગયેલ અને ઝઘડો કરી ઢીકાપાટનો માર મારી જાનથી મારી નાખવાની ધમકી આપી હતી.
તેમજ રીક્ષા કારખાના સાથે અથડાતા આરોપીને પણ ઈજા પહોંચી હતી. બનાવ અંગેની ફરીયાદ પરથી માલવીયાનગર પોલીસે ગુનો નોંધી સુરજ ચૌહાણની ધરપકડ કરી હતી.

આ પ્રકારના તમામ સમાચાર માટેે App ડાઉનલોડ કરો.