મણીનગરમાં ઓટો રીક્ષામાં દારૂની 24 બોટલ સાથે બે શખ્સો ઝડપાયા

80 ફુટ રોડ પર મણીનગર શેરી નં.4માંથી પસાર થતી ઓટો રીક્ષામાંથી દારૂની 24 બોટલ સાથે બે શખ્સોને ભક્તિનગર પોલીસે દબોચી રૂા.60400નો મુદામાલ જપ્ત કર્યો હતો.
દરોડાની વિગત અનુસાર ભક્તિનગર પોલીસ મથકના કોન્સ્ટેબલ વિશાલ દવે અને અમીત ચાવડા સ્ટાફ સાથે પેટ્રોલીંગમાં હતા ત્યારે ઓટો રિક્ષા નંબર જી.જે.1 એએકસ- 1253 80 ફુટ રોડ પરથી પસાર થવાની મળેલ ચોકકસ બાતમીના આધારે મણીનગર શેરી નં.4માં વોચ ગોઠવી હતી ત્યારે ત્યાંથી પસાર થયેલ રિક્ષાને અટકાવી તપાસ કરતા રિક્ષાની પાછળની સીટમાંથી વિદેશી દારૂની 24 બોટલ મળી આવતા રિક્ષાચાલક કમલેશ નરેન્દ્ર ડોડીયા (ઉ.27) રહે. હુડકો કવાર્ટર અને તેની સાથેના રાહુલ મહેશ નિમાવત (ઉ.23) રહે. આનંદનગરને દબોચી દારૂ અને રિક્ષા મળી રૂા.60400નો મુદામાલ કબ્જે કરી દારૂ કયાંથી લાવ્યા અને કયાં સપ્લાય કરવાનો હતો તે અંગે પુછપરછ હાથ ધરી છે

આ પ્રકારના તમામ સમાચાર માટેે App ડાઉનલોડ કરો.