અહીં કેમ ઉભા છો તમારા ઘર પાસે જઈને ડાયરા કરો’ કહીં યુવક પર છરીથી હુમલા

શીતળાધાર સરદાર ગૌશાળા નજીક અહીં કેમ ઉભા છો તમારા ઘર પાસે જઈને ડાયરા કરો કહીં ત્રણ શખસોએ યુવક પર છરી અને લાકડીથી હુમલો કરતાં ગંભીર રીતે ઘવાયેલા યુવાનને સારવારમાં ખસેડાયો હતો. બનાવ અંગે આજીડેમ પોલીસ મથકમાં ફરિયાદ નોંધાઈ હતી.
બનાવ અંગે કોઠારીયા સોલ્વન્ટમાં શીતળાધાર શેરીમાં રહેતાં શંભુકુમાર જમનભાઈ ગોસ્વામી (ઉ.વ.25) એ નોંધાવેલ ફરિયાદમાં આરોપી તરીકે કિરીટ દેવીપૂજક, પ્રભાત દેવીપૂજક અને સુનિલ દેવીપુજકના નામ આપતાં આજીડેમ પોલીસે કલમ 324, 323, 504, 114 હેઠળ ગુનો નોંધી તપાસ હાથ ધરી હતી. વધુમાં ફરિયાદીએ જણાવ્યું હતું કે, ગઈકાલે બપોરના બે વાગ્યા આસપાસ તેઓ તેના મિત્ર અભય તથા પંકજ ચૌધરી સાથે શીતળાધાર સરદાર ગૌશાળા પાછળ મેલડી માતાના મંદિરની બાજુમાં ઉભા હતા તેવામાં ત્યાં કિરીટ દેવીપુજક ત્યાંથી નીકળેલ અને ઉભા હતા ત્યાં આવીને કહેવા લાગેલ કે, અહીં કેમ ઉભા છો તમારા ઘર પાસે જઈને ડાયરા કરો જેથી તેને કહેલ કે, અહીંયા ક્યાં તારું ઘર છે આ તો જાહેર રસ્તો છે કહેતા તે ગાળો બોલવા લાગેલ જેથી તેને ગાળો બોલવાની ના પાડી અહીંથી જતો રહે તેમ કહેતા તે ત્યાંથી જતો રહેલ હતો.
થોડી વાર બાદ કિરીટ તેના ઓળખીતા પ્રભાત દેવીપુજક તથા સુનિલ દેવીપુજકને લઈને આવેલ અને ફરિયાદી અને તેની સાથેના મિત્ર અભય તથા પંકજને લાકડાના ધોકા વડે માર મારવા લાગેલ અને કીરીટે છરી કાઢી ઘા ઝીંકી દેતા હાથમાં ઇજા પહોંચી હતી. તેમજ પ્રભાતે માથાના ભાગે લાકડીનો ઘા મારતા તેઓનું માથું ફૂટી ગયેલ અને દેકારો થતા આરોપીઓ નાસી છૂટ્યા હતાં. ગંભીર રીતે ઈજાગ્રસ્ત થયેલ ફરિયાદીને સારવારમાં સિવિલ હોસ્પિટલમાં ખસેડવામાં આવ્યા હતાં. બનાવ અંગેની ફરિયાદ પરથી આજીડેમ પોલીસે ગુનો નોંધી હેડ કોન્સ્ટેબલ એમ.ડી. પરમારે તપાસ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.