ત્રણ સ્થળેથી દારૂની 60 બોટલ સાથે મહિલા સહિત બે પકડાયા

રાજકોટ પોલીસે ત્રણ સ્થળે દરોડા પાડી 60 બોટલ દારુ સાથે ત્રણને ઝડપી લીધા હતા. જેમાં ગ્રીનલેન્ડ ચોકડી તરફથી માર્કેટિંગ યાર્ડના નાળા તરફ એક વિદેશી દારૂ સાથેની કાર નીકળવાની હોવાની માહિતીના આધારે આજી ડેમ પોલીસે ગત મોડી રાતે વોચ ગોઠવી હતી. વોચ દરમિયાન માહિતી મુજબની કાર પસાર થતાં તેને અટકાવવાનો પ્રયાસ કર્યો હતો, પરંતુ ચાલકે કાર ભગાવી મૂકી હતી. કારમાં તપાસ કરતા અંદરથી વિદેશી દારૂની જુદી જુદી બ્રાન્ડની 36 બોટલ મળી હતી. કોઠારિયા સોલવન્ટ 25 વારિયા ક્વાર્ટરમાં રહેતા કરણ રમેશ ખોડા નામના શખ્સને તેના ઘરેથી વિદેશી દારૂની વિવિધ બ્રાન્ડની 15 બોટલ સાથે, જ્યારે ચુનારાવાડ-3માં રહેતી જસી મનોજ જાદવ નામની મહિલાને 9 બોટલ સાથે થોરાળા પોલીસે પકડી પાડી કાર્યવાહી કરી છે.

આ પ્રકારના તમામ સમાચાર માટેે App ડાઉનલોડ કરો.