ઈંડાની લારીએ સામુ જોવા મામલે ચીરાગ મકવાણા પર બીરજુ ઝાલાનો છરીથી હુમલો
શહેરમાં આવેલ ચાની હોટલો અને ઈંડાની લારીઓ ઝઘડાનું મથક બનતું જતું હોય તેમ અવારનવાર મારામારીના બનાવો સામે આવે છે. ત્યારે ગઈ રાત્રે પુનીતનગરમાં મામા સાહેબના મંદિર પાસે ઈંડાની લારી સામે સામે જોવા મામલે ચીરાગ મકવાણા નામના યુવાન પર બીરજુ ઝાલાએ છરીથી હુમલો કરતા ઘવાયેલા યુવાનને સારવારમાં ખસેડાયો હતો.
તેમજ આરોપી સહિતના શખ્સોએ યુવાનને જ્ઞાતિ પ્રત્યે હડધૂત કરતા પોલીસે તપાસ હાથ ધરી હતી. બનાવ અંગેની પ્રાપ્ત વિગત મુજબ આંબેડકરનગર-3માં રહેતો ચીરાગ રમેશભાઈ મકવાણા (ઉ.23) ગઈ રાત્રીના 11-30 વાગ્યાની આસપાસ પુનીતનગર મામાસાહેબના મંદિર પાસે આવેલ ઈંડાની લારીએ જમવા માટે ગયો હતો. ત્યારે ત્યાં હાજર બીરજુ ઝાલા નામના શખ્સે મારા સામે કેમ જુવે છે તેમ કહીં ઝઘડો કરી તેની પાસે રહેલ છરીથી હુમલો કર્યો હતો.
તેમજ તેની સાથેના અન્ય 15 જેટલા શખ્સોએ યુવાનને ધમકી આપી જ્ઞાતિ પ્રત્યે હડધૂત કર્યો હતો. બાદમાં ગંભીર રીતે ઘવાયેલ ચીરાગને સારવારમાં સીવીલ હોસ્પીટલમાં ખસેડવામાં આવ્યો હતો. બનાવ અંગે સીવીલ ચોકીન સ્ટાફે જાણ કરતા તાલુકા પોલીસ મથકના પીએસઆઈ પ્રદીપસિહ ચાવડા સહિતનો સ્ટાફ હોસ્પીટલે દોડી ગયો હતો અને ઈજાગ્રસ્તનું નિવેદન નોંધી આરોપી સામે ગુન્હો દાખલ કરવા તજવીજ હાથ ધરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.