પુર્વ ડેપ્યુટી કલેકટર શ્રી પંકજસિંહજી જાડેજાની આઠમી પુણ્યતિથી નિમિતે જસદણ ખાતે મહારક્તદાન કેમ્પ યોજાશે
સેવાકીય કાર્યપ્રણાલી દ્વારા લોક-હૃદયમાં કાયમી સ્થાન પ્રાપ્ત કરનાર સદગત ડેપ્યુટી કલેકટર સ્વ.શ્રી પંકજસિંહજી કે.જાડેજા અને તેમના પરીવારની આઠમી પુણ્યતિથી નિમિતે કોઠારી ડાયમંડ ઇન્ડસ્ટ્રીઝ અને શ્રીમદ્ રાજચંદ્ર સેવા ગ્રુપના સંયુક્ત ઉપક્રમે મહારક્તદાન કેમ્પનું આયોજન તા. ૧૪/૧૨/૨૦૨૩ ને ગુરુવારે સવારે ૧૦:૩૦ થી બપોરે ૪:૦૦ કલાક સુધી કોઠારી ડાયમંડ ઇન્ડસ્ટ્રીઝ પ્રાઇવેટ કંપની, આટકોટ રોડ , બાયપાસ સર્કલ પાસે જસદણ ખાતે કરવામાં આવેલ છે. આ કેમ્પમાંથી એકત્રિત થનાર રક્ત રાજકોટ સિવિલ હોસ્પિટલની બ્લડ બેંક દ્વારા જરૂરિયાતમંદ દર્દીઓને નિ:શુલ્ક આપવામાં આવશે.
૨૦૧૫માં એક ગોઝારા માર્ગ અકસ્માતમાં સહપરિવાર નિધન પામેલા ગુજરાત સરકારના અત્યંત નિષ્ઠાવાન અને બે-બે વખત રાષ્ટ્રપતિ એવોર્ડથી સન્માનિત સ્વ.શ્રી પંકજસિંહજીની સ્મૃતિમાં યોજાનાર આ રક્તદાન કેમ્પમાં બહોળી સંખ્યામાં રક્તદાન આપવા કોઠારી ડાયમંડ કંપનીના યુનિટ હેડ શ્રી નીરજકુમાર શર્મા તેમજ શ્રીમદ્ રાજચંદ્ર સેવા ગ્રુપના શ્રી વિનયભાઈ જસાણી અને ડો. પ્રતિક અમલાણી અને ડે. કલેક્ટર પંકજસિંહજી જાડેજા મેમોરિયલ ગ્રુપ દ્વારા લોકોને બહોળી સંખ્યામાં રક્તદાન કરવા અપીલ કરવામાં આવી છે.
આ પ્રકારના તમામ સમાચાર માટેે
App ડાઉનલોડ કરો.