જૂની અદાવતનો ખાર રાખી યુવાન પર ખાટકીવાડના અલ્બાઝનો છરીથી હુમલો
ભગવતીપરામાં જૂની અદાવતનો ખાર રાખી યુવાન પર ખાટકીવાડના અલ્બાઝનો છરીથી હુમલો કરી જ્ઞાતિ પ્રત્યે હડધૂત કરી મારી નાંખવાની ધમકી આપી નાસી છૂટતાં બી. ડિવિઝન પોલીસ મથકે ફરીયાદ નોંધાઈ હતી.
બનાવ અંગે ભગવતીપરા નંદનવન સોસાયટી શેરી નં.1 માં રહેતાં સાગર સતિષભાઇ સોલંકી (ઉ.વ.18) એ નોંધાવેલ ફરિયાદમાં આરોપી તરીકે અલ્બાઝ ઉર્ફે રહીશ મહમદ ભાડુલા (રહે. ખાટકીવાડ, ચામડીયાપરા) નું નામ આપતાં બી. ડિવિઝન પોલીસે આરોપી વિરૂદ્ધ એટ્રોસિટી એક્ટ સહિતની કલમ હેઠળ ગુનો નોંધી તપાસ હાથ ધરી હતી.
વધુમાં ઘવાયેલા ઈજાગ્રસ્ત સાગર જણાવ્યું હતું કે, તે ગઈકાલે બપોરે પોતાના દાદા દેવશીભાઈને બાઈકમાં બેસાડીને પારવડી ચોક ખાતે મુકવા જતો હતો ત્યારે બે માસ પહેલા માથાકુટ થવાથી જેની સામે ફરિયાદ અરજી કરી હતી એ અલબાસ સામે મળ્યો હતો. જેથી બંનેની નજર એક થઈ ગઈ હતી. જો કે સાગર ગભરાઈને બાઈક બીજી તરફવાળીને જતો રહ્યો હતો. બાદમાં દાદાને મુકીને પરત ઘરે જતો હતો ત્યારે રસ્તામાં અલબાજે તેને આંતરીને બેફામ ગાળો ભાંડી હતી અને જ્ઞાતિ પ્રત્યે હડધૂત કરવા સાથે ગળા પર છરીનો ઘા ઝીંકી દીધો હતો. જેથી લોહી નીકળવા લાગતા સાગરે બુમાબુમ કરતા અલબાજ તેને જાનથી મારી નાખવાની ધમકી આપીને નાસી છૂટયો હતો.
બાદમાં સાગર ઘરે ગયો હતો અને પરિવારજનોને વાત કરતા સારવાર માટે સરકારી દવાખાને લઈ ગયા હતા. જ્યાં તેણે અલબાજ સામે પોલીસ ફરિયાદ નોંધાવી હતી. બનાવ અંગેની ફરીયાદ પરથી બી.ડિવિઝન પોલીસે ગુનો નોંધી એસીપી આર.એસ.બારીઆએ તપાસ હાથ ધરી આરોપીને પકડવા ચક્રો ગતિમાન કર્યા હતાં.
9879405838
આ પ્રકારના તમામ સમાચાર માટેે
App ડાઉનલોડ કરો.