પક્ષીઓનાં સંરક્ષણ અને જટિલ સંભાળ વ્યવસ્થાપન વ્યવસ્થા સરળ બનાવવા માટે જીવદયા ચેરીટેબલ ટ્રસ્ટ દ્વારા ફોરેસ્ટ ડીપાર્ટમેન્ટ અને કામધેનું યુનિવર્સીટી સાથે રાજયશ ફાઉન્ડેશનનાં સહકારથી વર્કશોપનું આયોજન

પક્ષીઓનાં સંરક્ષણ અને જટિલ સંભાળ વ્યવસ્થાપન વ્યવસ્થા સરળ બનાવવા માટે જીવદયા ચેરીટેબલ ટ્રસ્ટ દ્વારા ફોરેસ્ટ ડીપાર્ટમેન્ટ અને કામધેનું યુનિવર્સીટી સાથે રાજયશ ફાઉન્ડેશનનાં સહકારથી વર્કશોપનું આયોજન

પશુચિકિત્સકો, વરિષ્ઠ વન અધિકારીઓ માટે બે દિવસીય વર્કશોપનું આયોજન

જીવદયા ચેરીટેબલ ટ્રસ્ટ દ્વારા ફોરેસ્ટ ડીપાર્ટમેન્ટ અને કામધેનું યુનિવર્સીટી સાથે રાજયશ ફાઉન્ડેશનનાં સહકારથી પક્ષીઓનાં સંરક્ષણ અને જટિલ સંભાળ વ્યવસ્થાપન વ્યવસ્થા સરળ બનાવવા માટે પશુચિકિત્સકો, વરિષ્ઠ વન અધિકારીઓ માટે બે દિવસીય વર્કશોપનું આયોજન કરવામાં આવ્યું છે. આ વર્કશોપમાં એવીયરી પક્ષીઓની વિવિધતા, વર્ગીકરણ અને ફેધર લાઇબ્રેરીનો ખ્યાલ, એવીયરી પક્ષીઓની શરીર રચના અને શરીર વિજ્ઞાનમાં વિવિધતા, રિંગિંગ અને સેટેલાઇટ ટેગિંગ દ્વારા પક્ષીઓનાં સ્થળાંતરને સમજવું, ભયંકર પક્ષીઓનું કેપ્ટિવ પ્રજનન, પક્ષીઓનાં ઉપચારમાં ફાર્માકોલોજિકલ વિચારણા, એવિયન દર્દીઓમાં કેપ્ટિવ મેનેજમેન્ટ અને સંરક્ષણ અને ડાયગ્નોસ્ટિક્સ અભિગમ, ક્રિટિકલ એવિયન પેશન્ટ્સનું મેનેજમેન્ટ, પક્ષીઓમાં એન્ડોસ્કોપીના સંકેતો અને પ્રેક્ટિસ, એવિયન ઓર્થોપેડિક્સ ઇજાઓ, પક્ષીઓમાં ક્લિનિકલ અનુભવ વગેરે વિષયોને ઇશા મુનશી, ડૉ. શિવાની ટંડેલ, ડૉ. દિશાંત પરાશર્ય, ડૉ. આર. કે સાહુ, ડૉ. આર. ડી સિંગ, ડૉ. સચિન પાટીલ, ડૉ. રીના દેવ, ડૉ. શશી જાધવ સહિતનાં નિષ્ણાંતો દ્વારા માર્ગદર્શન આપવામાં આવશે. વર્કશોપમાં સંરક્ષણ વ્યવસ્થાપન, શરીરરચના અને શારીરિક વિવિધતા, ઉપચારાત્મક અને સર્જિકલ સમસ્યાઓ, પેનલ ચર્ચા, વેલિડિક્શન વગેરે સત્રો લેવાશે.
વર્કશોપનું આયોજન ૧૬ અને ૧૭ ડિસેમ્બરે, અમદાવાદ ખાતે કરવામાં આવ્યું છે. આ વર્કશોપમાં જોડાવવા માટે રજીસ્ટ્રેશન કરવું ફરજિયાત છે. વર્કશોપમાં હાજરી આપવા પશુચિકિત્સકો અને વરિષ્ઠ વન અધિકારીઓ માટે ૫૦૦૦ રૂપિયા, વેટરનરી પોસ્ટ ગ્રેજ્યુએશનનાં વિદ્યાર્થીઓ માટે ૪૦૦૦ રૂપિયા, આવાસ વિના ૩૫૦૦ રૂપિયા ફી રાખવામાં આવી છે. રજીસ્ટ્રેશન માટેની છેલ્લી તારીખ ૩૦ મી નવેમ્બર, ૨૦૨૩ છે. સ્થળ પર નોંધણી ઉપલબ્ધ રહેશે નહીં. દાન/વર્કશોપના ખર્ચ માટે દાનની રસીદો જારી કરવામાં આવશે અને તેને 80G અને 10 BE હેઠળ મુક્તિ આપવામાં આવશે. રજીસ્ટ્રેશન તેમજ આ અંગે વધુ માહિતી માટે (મો. 97148 83838) નો સંપર્ક કરવા યાદીમાં જણાવાયું છે.

રિપોર્ટ નટવરલાલ જે ભાતિયા

આ પ્રકારના તમામ સમાચાર માટેે App ડાઉનલોડ કરો.