રાજકોટમાં પાણીની ડોલમાં ડૂબી જતા વેપારીના દોઢ વર્ષના પુત્રનું મોત
રાજકોટના એરપોર્ટ રોડ પર શ્રીમંત પાર્કમાં રહેતા વેપારીના દોઢ વર્ષના બાળકનું પાણીની ડોલમાં ડૂબી જતા મોત નિપજતા પરીવારમાં અરેરાટી વ્યાપી ગઇ હતી. પ્રાપ્ત વિગત અનુસાર રાજકોટના એરપોર્ટ રોડ પર શ્રીમંત પાર્ક-2માં રહેતા રીતીકેષભાઇ સેદાણીનો દોઢ વર્ષનો પુત્ર નિવ ગત તા. 14/11ના ઘરે રમતો હતો ત્યારે અચાનક રમતા રમતા પાણી ભરેલ ડોલમાં ગરકાવ થયો હતો. દરમિયાન ઘરમાં કામ કરી રહેલ માતાને જાણ થતા તાત્કાલીક બાળકને બહાર કાઢી સારવારમાં પ્રથમ ખાનગી હોસ્પિટલે ખસેડાયો હતો. બાદમાં વધુ સારવાર અર્થે સીવીલ હોસ્પિટલે ખસેડાયો હતો પરંતુ સારવાર કારગત ન નીવડતા તેમનું મોત નિપજયું હતું. બનાવ અંગે સિવિલ ચોકીના સ્ટાફે નોંધ કરી પ્ર.નગર પોલીસને જાણ કરી હતી.
વધુમાં મળેલ વિગત મુજબ મૃતક બાળકના પિતા માર્કેટીંગ યાર્ડમાં પેઢી ધરાવે છે. બનાવ સમયે નિવના માતા કામ કરતા હતા અને પિતા ન્હાવા માટે ગયેલ હતા. મૃતક બે ભાઇઓ જુડવા હતા. બનાવથી પરીવારમાં કલ્પાંત સાથે શોકનું મોજું ફરી વળ્યું હતું.
9879405838
આ પ્રકારના તમામ સમાચાર માટેે
App ડાઉનલોડ કરો.