જસદણમાં કોઈ અસામાજિક તત્વોએ રોડ પર પાઈપ ખોડી ગયું

હુસામુદ્દીન કપાસી દ્વારા જસદણ
જસદણના ચિતલિયારોડ અને હીરા બજારને જોડતા રોડ પર કોઈ અસામાજિક તત્વોએ રોડ પર ખાડા ખોદી ચાર પાઈપ નાંખી રોડ બંધ કરી દેતાં જસદણ નગરપાલિકાના ચીફ ઓફીસર અને અને વહીવટદારનુ નાક કાપીને હાથમાં આપી દીધાની ચોમેર ચર્ચાઓ જાગી છે આ રોડ પર સાર્વજનિક પ્લોટોનો કોઈ અતોપતો નથી ત્યાં નવલાં વર્ષનાં દિવસોમાં કોઈ અસામાજિક તત્વોએ રોડ ખોદી એક નહી પરંતું ચાર ચાર પાઈપ નાખી દઈ નાગરીકો માટે અવરજવર બંધ કરી દેતાં નાગરિકોમાં ભારે રોષ વ્યકત કરવામાં આવી રહ્યો છે હાલ રોડ પર જ બાંધકામો ચાલી રહ્યાં છે ત્યાં રોડ વચ્ચે જ પાઈપ ફીટ કરી રસ્તો બંધ કરી દેવામાં આવતાં જસદણમાં જંગલરાજ ચાલતું હોવાની પ્રજાને અનુભુતિ થઈ રહી છે ત્યારે આ બાબતે જસદણ નગરપાલિકાના ચીફ ઓફીસર અને વહીવટદાર જાગે અને અસામાજિક પ્રવુતિ કરતાં તત્વોને કાયદાનું ભાન કરાવે એવી નાગરિકોમાં માંગ ઊઠવા પામી છે.
તસ્વીર: હુસામુદ્દીન કપાસી જસદણ

આ પ્રકારના તમામ સમાચાર માટેે App ડાઉનલોડ કરો.